ياموزع النعم خل النعم لصحابه=ماينعطي غير لناس(ن) يستحقونه
النعم يعطى لرجل(ن)فاتح بابه =للضيف وليا حداهم حال يلقونه
اللي ليا جا لزومه بان مضرابه=سيف(ن) يحده لزومه مايحدونه
أما الردي تقول ونعم ثم يضرابه=يرهي على النعم وهوه قاصر دونه
ليا قلتله نعم قام يفتل اشنابه=يحسبك صادق مادرى النعم وشلونه
يطمع بشئ يموت الخبل ماجابه=ثم قال انا جبت نعم اللي تقولونه
بعض العرب يحلمون احلام كذابه=من لا عرف قدر نفسه عد طبلونه
يجيك مسرع مايدري ويش يبلابه =من قلة العرف مايمشي على هونه
أما على اقرب قريب اشتال مشعابه=ولا على الغايبين استل مسنونه
تولج الغايبين وكثرة احزابه =اللي على قلة الخيره يدفونه
وأهل العقول اسكتوا ماقالوا الجابه=لا ينقصون بشيء ولا يزيدونه
قالوا هذا معه عاهه وابتلينابه=ولا هذا فيه شي مايعرفونه