ياوجودي لقبل الليل ونزاح النهار=وجد مفجوعن تلقى الخبر قبل المغيب
جاه علم العود وامه وخوانن صغار=مابقا الا من شريده رضيعن فيه عيب
وياوجودي وجد من فاختوبه مديار=نازلن سجنه بتابيد حكم ابو غريب
وياوجودي وجد من صادفه موجت اغبار=في ظلام الليل وثره على حفت قليب
هالبه جرف الهبيه ودمع العين حار=يوم ماله لصتطاعه ولاله من مجيب
حن قلبه حنت البكر من فرقى الحوار=يومها عشت عدى بالحوير شبل ذيب
هجرعت بالصوت وابدت تدرهم بالمسار=من رقاق الارض تطلع على راس الرقيب
المعالم حولها فتشتها دار دار=ويست والنار في جوفها تشعل لهيب
ذي سواتي يوم خلي علي بالحيل جار=كل مرسله يقول الوعد وقتن قريب
خاطره واسع ونا الدم فشريان فار=ارتقب وصله وقربه اعلاجي والطبيب
ياحسن بعده عليه دمارن في دمار=حالتي من دون في دون مقطوع النصيب
واعذابي لدبح الفي ثم حل السمار=وبتدا لليل المعنا وهمه والنحيب