|
قصة وقصيدة لشاعرة من الدواسر
هذه قصيدة للشاعره:عمشه بنت سحمي الهوامله من الدواسر،قالتها بعد أن إرتحل أهلها وصاروا قسمين ،قسم نزل على يبرين جنوب الأحساء وقسم نزل على الأطواء بعلوى الرمال وعندما تذكرتهم أنشدت:
الا يا عربنا وينهم يا خويّاتي=الا واهني اللي درى وينهم صوبه عربنا هل النشر المطرف بالابياتي=هل سربةٍ عند المصاغير مجلوبه أهل سربةٍ تركض على سو الافاتي=وقد هي على نطح المغاليب مصلوبه على نقة الصياح تلحق سريعاتي=فرج راتِع الرعيان لا من تعزوا به مظاهيرهم قفّت من العد عجلاتي=وانا أشوفهم بالعين براس مشذوبه بعضهم جنوب ليت منه الخبر ياتي=وانا في رجا الحدرين ياتون مركوبه يا طول صبري ما اطول القيض عداتي=جمادى وغرا قبل شعبان مكتوبه وجودي عليهم وجد راعي ونياتي=وطاه الزمان وعقبها بطح اغروبه لولا الحيا جريت أنا كان بأصواتي=على اللي لا جا ضيفهم ما تدانوبه |
الله لايهينك يالعماني وماقصرت طال عمرك
وبيض الله وجهك على القصه والقصيده الزينه ودايم علومك زينه يالعماني اخوك عبدالله الشكري |
لاهنت اخوي العماني وابيض وجه يالغالي
على هالقصه والقصيده الطيبه تحياتي لك اخوك الخييلي |
الله لا يهينك يالعماني ......
|
لاهنت يالعماني والله يعطيك العافية
|
عربنا هل النشر المطرف بالابياتـي
هل سربةٍ عند المصاغيـر مجلوبـه أهل سربةٍ تركض على سو الافاتـي وقد هي على نطح المغاليب مصلوبه سلمت اناملك يالعمااااااااني على نقل هالقصه يرحمها ويغفرللشاعر عمشه لاهنت وبيض الله وجهك |
بيض الله وجهك يالقرم على القصيدة الطيبه ودايم مواضيعك متميزة يالغالي ننتظر جديدك ،،، |
لا هنت أخوي العماني على نشر القصيده للشاعره عمشه بنت سحمي اللي أشهر من النار على علم... اللي الكل يشهد لها بالعقل والحكمه والشجاعه أيضا.... مره سنافيه وجيّده الله يرحمها يا رب....
شيهانه |
الاخ الفاضل العماني بيض الله وجهك على هاذي المواضيع المميزه التي تتحفنى فيها لاهنت يالقرم. اخوك /فهدالغريري,,,,,,,,,,,,, |
بيض الله وجهك يالعماني
|
سملت ولاهنت على القصيدة
|
حياكم الله جميع وتسلمون على المرور
تقبلوا تحياتي،، |
لاهنت يالعماني على القصيدة
|
السلام عليكم ورحمة الله وبركاته
لاهنت اخوي (العماني ) على هذه القصيده وصح لسانها . والى الامام والــــــــــســــــــــــلام خــــــــــــتـــــام |
لا هنت اخوي هايف وبيض الله وجهك يالقرم.
|
الساعة الآن 12:26 PM
 |
Powered by vBulletin® Copyright ©2000 - 2025, Jelsoft Enterprises Ltd.
---