|
كلاش يودعكم مع الباب الي أستقبلتوه معه ( أستروا ماواجهتم )
السلام عليكم ورحمة الله وأسعد الله أوقاتكم بمايرضيه وبما يسركم:) والله مدري وين أبدى معه لكن بكتب باللغه العاميه أصرف .. أنا سجلت بهالصرح الشامخ من سنتين تقريبا حب وحميه لقبيلتي ولاهي حمية جاهليه ان شاء الله , الزبده رغم اشغالي وارتباطاتي بدوامة الحياة الا أن فيه شوق لايقاوم يجذبني لكم وللمنتدى ومواضيعه ولقيت نفسي أدوّر على الفرص ألي أفضى فيها عشان أتصفح وأشارك حتى اني قطعت بالمنتديات ألي كنت أشارك فيها بأسماء متعدده بعد ما سجلت هنا , واللحين ضروفي تجبرني على أني أنسحب وحبيت قبل أنسحابي أني أستسمحكم واحد واحد أخوان وخوات عن أي زله أو خطا صدر مني بقصد أو غير قصد سواءً بردودشعريه أو محاورات أو رسائل خاصه خصوصاً من كنت أقسو عليهم من باب النصح وأعتبرهم أخواني الصغار وسواء كان الخطا تحت أسم (( نايف البدراني وهو أسمي وأسم قبيلتي الصحيح أو بكلاش أو بأحمد الغاطي )) وتراني مسامح الجميع وأعتذر من كل قلبي للاخوان ألي كانوا من طيبهم يبون يعرفون أسمي الحقيقي وأسم أسرتي وعلى رأسهم الرجل الخلوق الذي أعتبره أخ كبير لي أبن العم الأستاذ / هايف العماني وأقول والله ماكان أخفائي لأسمي وأسم أسرتي لشي الا مجرد قناعات واسباب شخصيه حريص عليها والا الأسم وراعيه يفدونكم .. وبنفس الوقت أشكركم على طيبكم معي ادارة ومشرفين ومراقبين وأعضاء رائعين وأدعو الله لكم بالتوفيق في أمور دينكم ودنياكم .. أخوكم الصغير (( نايف )):) |
رد: كلاش يودعكم مع الباب الي أستقبلتوه معه ( أستروا ماواجهتم )
الله يحفظك ويستر عليك ومن ناحيتي مسموح والله يبيح منك
و انت ما جا منك الا كل زين يالغالي الله يوفقنا وياك لما يحبه ويرضاه تحياااااااااااااااتي |
رد: كلاش يودعكم مع الباب الي أستقبلتوه معه ( أستروا ماواجهتم )
الله يستر عليك اخوي نايف والله ما كان ودي انك تطلع
لانك انت اخوي عزيز على قلوبنا وابد مني الله يحللك ويبيحك ولا شفنا منك الا الطيب والنفس الطيبه وما تشوف شر |
رد: كلاش يودعكم مع الباب الي أستقبلتوه معه ( أستروا ماواجهتم )
|
رد: كلاش يودعكم مع الباب الي أستقبلتوه معه ( أستروا ماواجهتم )
|
رد: كلاش يودعكم مع الباب الي أستقبلتوه معه ( أستروا ماواجهتم )
مرحبا ً بكـ أخي الشاعر الخلوق كلا11111111ش ،،
و الخبر هذا غير صحيح أن واحد بمثلكـ يتركـ المنتدى علشان أشغاله الخارجيه و هذا عذر غير مقبول أخي الغالي ،، أخي الجميع هنا يوجد لديه الكثير من الألتزامات الخارجيه وهذا لا يمنع أننا نخرج مرة ً واحدهـ !! أخي الكريم أرجو أن تتريث و تأخذ لكـ إجازهـ من هذا الصرح الجميل و تنهي أعمالكـ الخارجيه ثم تعود إلينا كما كنت أول و أحسن ،، أخي أنا لأ أوافقكـ الرأي و أرجو أن تعيد حساباتكـ جيدا ً قبل الخروج لأنن هنا أخوهـ ولا لنا غنى عنكـ ولا عن أخواننا بهذا الموقع المباركـ ،، ---------------------- أخي المحب الاستاذ/نايف.................................... حفظة اللة أقرأ ماتكتب في المنتدى ومالديك من ثقافة تجبر المطلعين على الاشادة لقلمك فانت طاقة نحن في امس الحاجة إليها أرجوك ثم أرجوك العدول عن قرارك اتمنى أن لاتخذلنا وانت الكريم ومن طبع الكرام النزول لرغبة اخوانه محبك إبراهيم بن حمد ال الشيخ البدراني |
رد: كلاش يودعكم مع الباب الي أستقبلتوه معه ( أستروا ماواجهتم )
ليس عندي كلام أكثر من كلام الإخوان اللي سبقوني سوى هذه الأبيات، أتمنى أن يقرأها اخوي الغالي نايف "كلاش" وهو بصحة وعافية وأن يكون هذا القرار بعده قرار: ياكلاش مثلك صعب يلقى مثيله لانك رجل وافي ومن ربع وافين ياكلاش هذا المنتدى للقبيلة وانته سفير المنتدى والبدارين ياكلاش هذا العلم دوّر بديله كلن وراه اشغال والناس دارين ياكلاش يانايف ياراع الجزيلة ويا أحمد الغاطي صعوط المجانين |
رد: كلاش يودعكم مع الباب الي أستقبلتوه معه ( أستروا ماواجهتم )
|
رد: كلاش يودعكم مع الباب الي أستقبلتوه معه ( أسترو
بسم الله الرحمن الرحيم تفاجات مثل غيري بأنسحاب ابن العم الغالي نايف البدراني (( كلاش )) من المنتدى وحقيقه والله اني مدري لكن الله يوفقه طالما انه مشغول وما اقول الا عساه يرجع لربعه سالم غانم وهذي ابيات تهيضت فيها يوم ذكرت رفقته لنا بالمنتدى الي كلها نوماس ومواقفه معنا وفزعاته بالردود على الشعراء من خارج القبيله وهي تعبر عن مافي الخاطر تجاه ابن عم عزيز وغالي وشاعر بحر تنومس مواقفه اقول فيها ..
القلب ضاق ولالقـا مـن يواسيـه = مابين ربعـي ميـر كنـي خـلاوي من عقب راح اللي نعـزه ونغليـه = وتقطعـت عنـا حبـال الرجـاوي جانا غريب وراح محدٍ عـرف ليـه = وفي منتدانا صـار نجـمٍ سمـاوي معه جمعنا الطيب فسمـى معانيـه = وعز الله انـه بالمراجـل غنـاوي حبه لربعـه مـن مبـادي مباديـه = وهومـة تفاكيـره بعيـدة حـراوي واضح صريـح وبينـاتٍ مماشيـه = ماهوب من يحسد وقلبـه عمـاوي ولايشـوف بنفسـه كبـرٍ ولا تيـه = واثق مثل ضلعٍ عسيـر المهـاوي واذا ضمينا نرتوي عـذب صافيـه = نارد ونصـدر منـه عـدٍ رهـاوي وان جا اللزوم وخانت اللاش رجليه = وضاعت علوم مكثريـن العـزاوي نصيح بأسم ((كلاش)) وننخا وندعيه = ويجيك هـاوي مثـل حـرٍ نـداوي واليـوم راح وغيبـنـه ليالـيـه = ما عاد ندري راح بـأي النحـاوي ليته معلمني علـى ويـن أخاويـه = وألا معلمنـي علـى ويـن نـاوي خلاني مابيـن العتـب والمشاريـه = كنـي مريـضٍ معطبتـه المكـاوي ومع كل طلعة شمس ياناس برجيـه = وأنا على رجعت رفيقـي رجـاوي الشاعر : مسفر بن منيف المصارير أبو ناااايف |
رد: كلاش يودعكم مع الباب الي أستقبلتوه معه ( أسترو
الله يحفظك ويستر عليك ومن ناحيتي مسموح والله يبيح منك
و انت ما جا منك الا كل زين يالغالي الله يوفقنا وياك لما يحبه ويرضاه تحياااااااااااااااتي |
رد: كلاش يودعكم مع الباب الي أستقبلتوه معه ( أسترو
والله ان عيوني غرقه يانايف او احمد او كلاش عقب ما شاهدة الموضوع وردود الاخوان والاخوات واتمنى انك ترجع عن قرارك اذا كان لنا خاطر عندك والاكيد ان لنا في نفسك منزل عالي واذا شفت الردود في يوم من الايام بترد واتمنى لك التوفيق في كل الاحوال والله يبيح منك اخوك ومغليك ابو بدر |
رد: كلاش يودعكم مع الباب الي أستقبلتوه معه ( أستروا ماواجهتم )
ياكلاش هذا المنتدى للقبيلة وانته سفير المنتدى والبدارين أخــــــــــــــــــي الغالي ولو اني لم اكن من الأعضاء الذين كانت لهم مواقف معك برد او بموضوع معيين لكن دخلت هذا الصرح وكان كل ما يهمني ان التقي بأبناء قبيلتي وابناء عمومتي الذين تبعدني عنهم الحدود والقيود لكن لا اسمح لنفسي أو لعائلتي أو لأحد ان ينسى أو يتناسى شيء من النسب والأصل كلنا تشغلنا الدراسة والعمل وأمور كثيرة لا يسعنى ذكرها لكنك فرد من عائلة لا نسمح لك ولا نقبل انسحابك على اساس انشغالك صحيح تكدر تروح وترد تكمل وتكفي شغلك واحنة موجودين بأذنه تعالى وهذا الصرح موجود وسيبقى مادام هناك اهل خير واهل حمية لذلك اخي الغالي طلبي ونصيحتي باّن واحد هوة ان لا تستعجل بأتخاذ لقرار قد تكون في مابعد نادما عليه وبعد كل هذا انا لا اقول سوى شيئ واحد تقبل كلامي ورأي اخوك ابو رداد الدوسري |
الساعة الآن 08:50 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
