المشيخه ماهي بشـوت وملاييـن

----------

السلام عليكم ورحمة الله وبركاته


المشيخه ماهي بشـوت وملاييـن
وختمٍ طلـع بالواسطـه والميانـه

ولاهي بنشرالكذب وسط الدواويـن
والفخفخـه والفشخـره والخيانـه

ولاهي بنفخ الصدر عند السفاهيـن
وتظاهر انـه صارعنتـر زمانـه

واللي تصيقر وهو ضمن الكراوين
ختمـه ومايملـك يزيـده مهانـه

بكـره لياجـا للمواقـف براهيـن
وكلٍ علـى فعلـه يقـدم ضمانـه

تبي تكشف كل الأوضـاع وتبيـن
ويعض منهو محتـزم بـه بنانـه

لا جا التناقش وانبرى الجيم للسيـن
يرسب من اول يوم عنـد امتحانـه

ينشب لسانه فاللقـاء بيـن لحييـن
ويـروح بأفـواه العـواذل لبانـه

المشيخه صبرٍ على العسر والليـن
وبذل وعطا واخلاص ذمه وامانـه

والمشيخـه للـي يفـل الجناحيـن
ويضف ربعه في وفـاه وحنانـه

والمشيخه صد الخصـوم العنيديـن
والحـزم والشـده لقـوم اللعانـه

وان ثار عج المشكله بين خصميـن
يبـرك وعشـره ماتعـود ثمانـه

والمشيخه بـذل الكـرم للكريميـن
وبيتٍ تعرفه قبـل لايقـال عانـه

وعطفٍ على المحتاج ومغربل الدين
وصيتٍ طغى مسكه على زعفرانـه

شيخة شرف ماهي بشيخة وراعين
شيخة كريم المجـد جـود عنانـه

حكيـم ينصونـه قـرومٍ حكيميـن
يستأنسـون لحكمـتـه ولبيـانـه

سوالفه تشرح صـدور الحزينيـن
والصدق والحكمـه عوايـد لسانـه

مجده مورث من شيوخٍ عزيزيـن
سـاسٍ وثيـقٍ ماتزلـزل كيانـه

هـذاك لـو مايملـك إلا رياليـن
له في قلوب الناس قـدر ومكانـه

صيته يشرف عند الأدنى والأقصين
ودايم بفعل الطيب كاسـب رهانـه

لامر ذكره قالـو النـاس نعميـن
وجـهٍ يزينـه الرضـا والديانـه

يغنيك عن شوفة وجيـه الشياطيـن
عبـادة الدينـار روس الخيـانـه

وش عاد لو حطو ختوم وملاييـن
مال الردي نقـصٍ عليـه ومهانـه



ممـــا راقـ لي

الف عااافيه لكم جميعا على مروركم لاهنتوا..

غلانجدتسلمين ياالغاليه على مرورك..