::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم القـــصص والروايـــات :: (http://alduwaser.org/vb/forumdisplay.php?f=20)
-   -   الرجل الفقير وعمه (http://alduwaser.org/vb/showthread.php?t=35788)

محمد الهويشلي 28-12-2008 08:41 PM

الرجل الفقير وعمه
 
شاب فقير خطب بنت عمه المليونير



وزود عمه طلباته عليه فقال القصيده:





سبحان من يرزق أصحاب الملايين ---

------------ ------ الرازق اللي ما يخيب الرجـا بـه



لي عم عنده معـرضٍ للصواليـن------------ -------

------------ -------أموت واعرف بس من وين جابـه



وإذا سألته قـال بعـت الدكاكيـن------------ --------

------------ ------ما يدري إني ما هضمت الإجابـه



الشاهد إني رحت له قبـل يوميـن ------------ -------

------------ ---------في قصره العامـر ودقيـت بابـه



قال ارحب ارحب عدّ ورد البساتين ------------ ----

------------ ---------يا مرحبا باللـي لفـا يـا هلابـه



قلت البقا عـدّ النفـل والرياحيـن------------ --------

------------ -----يا شيخ شمل اهل الكرم والذرابـه



قال اسلم الله يحفظك لي من العين ------------ -----

------------ -----وآمر أوامر حضرتـك مستجابـه



قلت الصراحة طالبٍ قرب غاليـن------------ ------

------------ -------ودي تزوجنـي كريمتـك يـابـه



ثنّى وقال اهليـن والله وسهليـن ------------ -------

------------ ----والكون ترخص لجل عينك رقابـه



لكن ترا عندي شـروط وقوانيـن------------ ------

------------ ----قلت اشرط اشرط يا حبيب الغلابـه



قال أولاً مهر العروسـة ثمانيـن------------ ------

------------ ----غير الرسوم وغير حق العصابـه



والثانية عمك يبي منـك سبعيـن------------ ------

------------ ------رسم الأبـوّة والنسـب والقرابـه



وام العروسة حقها منـك ستيـن ------------ ------

------------ -----عشانها ست الحسـن والمهابـه



واخوانها كلن يبي منـك خمسيـن------------ -----

------------ ------عداً ونقـداً تنـدرج فـي حسابـه



وخواتها الخمس اعطهن من ثلاثين------------ --

------------ -----عشان تتوثـق عـروق النسابـه



وتجيب طقم عيار واحد وعشريـن ------------ ---

------------ ---وخاتم من الماس المصفى ترابـه



واكياس متروسة كعوب وفساتيـن------------ ---

------------ -----ألوانهـا واشكالهـا مـا تشابـه



وموتر بسواقـه وفيـلا بدوريـن ------------ ------

------------ ------أثاثهـا مـن بطرتـه ينحكـابـه



واحجز لنا قاعة بقصر السلاطيـن------------ ---

------------ ---واحجز بهـا رقاصتيـن وربابـه



وامنع دخول اهل اللحى والبزارين------------ --

------------ ----واعزم أميـر المنطقـة بالنيابـه



هذي الشروط اللي على بالي الحين------------ --

------------ ---وذكرني اللي ما حسبنـا حسابـه



قلت اذكر الله يا عـدو المساكيـن------------ ----

------------ ------واستغفـره لا يبتلـيـك بعـذابـه



الظاهر إنك منت عارف أنا ميـن ------------ -----

------------ ----أنا لو ارقا فـوق متـن السحابـه



ما جبت حتى نص درزن مواعيـن------------ ----

------------ --واضحك بكيفك واعتبرهـا دعابـه



شروطكم هذي شـروط المجانيـن------------ -----

------------ ---شروطكم شغـل ابتـزاز ونهابـه



شروطكم تقصم ظهـور البعاريـن------------ -----

------------ -----شروطكـم همّـن وغـم وكآبـه



شروطكم والله سيوف وسكاكيـن------------ ----

------------ --تذبح بنات المجتمع مـع شبابـه



وين الرضا والعطف واليسر واللين------------ --

------------ ----اللي ذكرهـا الله بمحكـم كتابـه



وين الصفات اللي أمرنا بها الديـن ------------ ---

------------ وين اختفى نهج النبي والصحابـه



يا عم جعل اللي خلقنا من الطيـن------------ ----

------------ ----يرد عقلك مـن خطـاه لصوابـه



ويجعل نصيبي عند غيرك قل آمين------------ ---

------------ويحسن عزا الصابر ويجزل ثوابه



قال انت لو فكرت تفكير صاحيـن ------------ ----

------------ -ما شفت في مجمل شروطي غرابه



حنا بعصـر العولمـة والمزاييـن ------------ ------

------------ ماهوب عصر الفلسفة والخطابـه



الناس تسعى للرتـب والنياشيـن------------ -----

------------ ---وانت اهتمامك بالشعـر والكتابـه



والشعر ما ينفعك لو هو دواويـن ------------ ---

------------ ----ما دام جيبك مثـل بيـت الخرابـه



يا بوك لا تسمع كلام المصاخيـن------------ ---

------------واسأل مجرب عاش في وسط غابه



قلت الله اكبر يا محـرر فلسطيـن ------------ -----

------------ --من يسمعك يحسبك ذيـب الذيابـه



تراك شايب راس مالـك رياليـن ------------ -----

------------ - والبنت ما تسوى جنـاح الذبابـه



قال انقلع مالت على وجهك الشين------------ ---

------------ ----لا عاد اشوفـك عندنـا يالزلابـه



قلت ابشر ابشر لكن الباب من وين------------ ---

------------ -واقفيت من عنده على صوت بابـه

متعب الخييلي 31-12-2008 07:27 PM

رد: الرجل الفقير وعمه
 
الدوسري 2008 قصيده رائعه تشكر علا ها النقل للك تحيتي

أبو سعود الودعاني 31-12-2008 09:09 PM

رد: الرجل الفقير وعمه
 
امحق عم


لاهنت يالغالي

تقبل خالص ودي

المطنوخه 31-12-2008 11:23 PM

رد: الرجل الفقير وعمه
 
لاهنت على طرح القصيده الرائعه..

خيالية 31-12-2008 11:27 PM

رد: الرجل الفقير وعمه
 
الدوســـري رائع ههه والله شي يوسع الصـــدر حسبي الله عليه
وش هالطلبات ههههههه .. رائع رائع بانتظار مثيلها ههههه
تحـــياتي :

محمد الهويشلي 01-01-2009 09:15 PM

رد: الرجل الفقير وعمه
 
اقتباس:

المشاركة الأصلية كتبت بواسطة متعب الخييلي (المشاركة 415501)
الدوسري 2008 قصيده رائعه تشكر علا ها النقل للك تحيتي

يعطيك العافيه أخوي متعب على مرورك تقبل تحياتي

محمد الهويشلي 01-01-2009 09:16 PM

رد: الرجل الفقير وعمه
 
اقتباس:

المشاركة الأصلية كتبت بواسطة أبو سعود الودعاني (المشاركة 415511)
امحق عم


لاهنت يالغالي

تقبل خالص ودي

يعطيك العافيه تقبل مروري

محمد الهويشلي 01-01-2009 09:17 PM

رد: الرجل الفقير وعمه
 
اقتباس:

المشاركة الأصلية كتبت بواسطة المطنوخه (المشاركة 415560)
لاهنت على طرح القصيده الرائعه..

يعطيك العافيه على مرورك الكريم

محمد الهويشلي 01-01-2009 09:18 PM

رد: الرجل الفقير وعمه
 
اقتباس:

المشاركة الأصلية كتبت بواسطة خيالية (المشاركة 415564)
الدوســـري رائع ههه والله شي يوسع الصـــدر حسبي الله عليه
وش هالطلبات ههههههه .. رائع رائع بانتظار مثيلها ههههه
تحـــياتي :

يعطيك العافيه

ابوبدر المصارير 02-01-2009 07:13 PM

رد: الرجل الفقير وعمه
 
اختيار موفق يالدوسري الله لا يهينك ويعطيك العافيه

محمد الهويشلي 02-01-2009 10:57 PM

رد: الرجل الفقير وعمه
 
اقتباس:

المشاركة الأصلية كتبت بواسطة الحبيبي10 (المشاركة 415892)
اختيار موفق يالدوسري الله لا يهينك ويعطيك العافيه

شكرا على مرورك الكريم


الساعة الآن 10:35 AM

Powered by vBulletin® Copyright ©2000 - 2025, Jelsoft Enterprises Ltd.
---