|
وقعة الثمان !!!!!
السلام عليكم ورحمة الله وبركاته وبعد منسوبي منتديات قبيلة الدواسر الرسمي الحقيقه هذا الموضوع سبق وأن نزل هنا ولكن لي عليه بعض الملاحظات وأحببت أن أكتبه بالكامل وحسب طلب أخوانٍ عزيزين علي سوف أورده بالتفصيل وبالكامل . *************************** الوقعه هي بالتفصيل *************** هذه الوقعه حصلت قبل قرنٍ من الزمان وفي أيام الجاهلية والغزو والمغازي.. السالفه ركبوْ الغياثات مثوَرينٍ من الخرج يبون يترزقون الله من القيمان وكانت نيتهم يتجهون لآل مرة وكانت ركايبهم ثمان فقط وحصانٍ لردعان وعقيدهم سهل بن عويفي ورديفه ولده مسند وسعد بن غدفان ورديفه أخوه فرج ومعهم سعد بن شفيا والدجران وشمروخ بن عويفي ومعهم ربعٍ ثانين ويوم تشطروْ من الخرج قابلنهم بناتٍ من الغياثات يردَن زملهن وهن النهيري بنت وقيان بن نصَار والرفاعي بنت تميم وإيلاهن مزايين وبنات ربعٍ تعرف مواقفهم لاجاء الضيق ومروهن ودهم ينصبون عندهن وسألن البنات أهل الركايب وينكم رايحين قالو لهن حنا غازين على القوم وأرادو أن يمازحوهن وقالوْ لهن من اللي منكن بيستحذينا لارجعنا بالكسب إن شاء الله ثم ردَن عليهم قائلات ماأنتو بفيد غزوْ إن كان تحوفون حيافة ويوم قالن ذا الكلام قومهن قل عدد الركايب اللي معهم وأردفن بالقول بنوصيكم الله الله في ركايبكم أن ماكسبتو من القوم فالله الله في الركايب. ************************************************** ** وبعدها مشوْ متجهين شرقاً وكانو يقصدون جو دخان اللي نازلينه آل مرة وفي ذاك الوقت جاء آل مرة نذيرٍ منذرهم أن فيه قومٍ سوف يغيرون عليهم وكانو متحرصين جداً وكانو حاضرين عند دبشهم ونازلينٍ ببيوتهم جميع وكانو فراقينٍ واجد جداً . ************************************************** ** ويوم أقبلو الغياثات عليهم نوخوْ ركايبهم في مطمنٍ عن القوم حتى لاأحدٍ يراهم ويتحرون الفرصة أمَا ذودٍ متشطَر وإلأ في وجه ليل لأنهم قومٍ قليلة ماهم بفيد غارة ولكن قذرهم قناَص من آل مرة يوم شاف روس الركايب مبروكٍ عليهن في المطمن ومن ثم ركب ذلوله مغيراً لربعه ويطلق طلقاتٍ نارية ببندقيته لكي ينبه ربعه ويأخذون حسابهم من اللي رأى. ************************************************** ** ومن ثم ركبوْ آل مرة خيولهم كارين بإتجاه الرمي على راس الأمير طالب بن سعيد آل شريم ومسعود بن عتيق آل غبشان ودعيكان بن حرب ودعيكان فارسٍ مدلل وهو من قوم أبو ليلة وقومٍ أخرى كثيرة ماتنحصى ولاتعد . ************************************************** * المهم يوم شافوهم الغياثات دبروْ على ركايبهم ومحتمينٍ تواليهن وكان دعيكان يحلف عليهم ويقول لهم علي الطلاق ياسهل بن عويفي إن عشاك أنت وإخوياك عند أمي ذهيبة لأنه نظرهم قليل وفي خاطره إن آل مرة بيردونهم وقامو آل مرة يلوبونهم والغياثات عند توالي الركايب كل ماقربوْ منهم طمر المشبب والبواردي ورماهم حتى تقهقر الخيل من الضرب وكثرة العثاير في آل مرة والغياثات مدابيرٍ على الركايب والقوم تلوبهم واللي عقروْ تحت إبن شريم ذاك اليوم ثلاثٍ من الخيل. ************************************************** ** ودارت رحى المعركة من عصر حتى أظلمهم الليل وبعد العصر ضربوْ آل مرة العقيد سهل بن عويفي مع ثمه وهو فاتحٍ ثمه وطيرت من بين مشقَر علابيه وأسلمه الله وقال لربعه تراني مصوَب وصوابي بسيط مير كيفكم تبون تمتنعون وإلأ تحتمون الركايب ولقد عانهم الله على حماية ركايبهم ويقولون والله إنا بغينا نمتنع ولكن عزمنا على الطراد حتى نفك الركايب وإلأ نروَح معها وحسب الوصاة اللي وصنهم بها البنات اللي قابلنهم وذكرها بن شفيا في القصيدة . ************************************************** ** وفي ذاك اليوم عقر سعد بن شفيا فرس الأمير طالب بن سعيد آل شريم وكان لونها صفراء ويوم جاء مع الغروب عقرو الغياثات فرس مسعود بن عتيق آل غبشان وكسرو فخذه ولقد عقر سعد بن غدفان فرسٍ ثانية وقتل راعيها يوم حوَل خلاف ربعه ورجع لها يبيها ولكن وجدها تتنسم مع جنوبها ويوم درى بأنها بتموت قطع حافرها من ذلَته لايقولون إنه ذل وترك ربعه وبعد ماكسروْ رجل مسعود تواقفت رجال آل مرة على الصويب مسعود بن عتيق آل غبشان وكان وقتها بعد الغروب. ************************************************** *** والغياثات دبروَْ على ركايبهم وحينها ضيَع سعد بن غدفان ربعه ولالحقهم إلأ عند اليوم الثاني ولم يعرفونه يوم ظهر عليهم ولقد رموْ ملابسهم ونووْ بالمجازرة إعتقاداً منهم بأن اللي لحقهم من آل مرة ويوم شافهم تغيروْ ومسكو المحاجي له قام يلَوح لهم بيده لكي يعرفونه حتى تأكدوْ إنه إياه وبعد ماأجتمعوْ كلهم جميع سالمين ومفتكينٍ ركايبهم قال سعد بن شفيا هذه القصيدة اللتي إشتهرت عند الناس ... ************************************************ **************************************** ********************************
حنَا الغيـاثـات ركـبٍ فـعــلـنـا بانـــي=حمَايةٍ للنظى والطيب يطربـنـــا لحقوْ علـى طالـبٍ خيلٍ وصبيانــــي=يدعون بالمنع طمعوْ في ركـايـبـنا مريةٍ في اللقاء في الضيق فرسانــي=والكلِ منـهم جـــواده مـايـغـايـبـنـا فجـعـلك إفداً للركايـب يادعيكانـــي=بـلاَ ثـمــانٍ وداعٍ مـن صــحايـبـنـا مسعود يهوي علينا إهواي سرحاني=يـبـي الـركـايـب وعـدَنـه ضرايبنـا فـحـنـَا الـغـيـاثـات ماحنَا بذلانــي=وفقين رفقين ماتخطـي ضـرايـبـنـا فنعـمٍ بـأبـو مسندٍ هو وإبن غدفانــي=هم محمل الهوش لاقلَت عـجـايـبـنا والـمـدح يـثنـى لأخو هيَا وردعانــي=يوم أشهب الملح والبارود حاطـبنـا وأنـا وشـمـروخ نـنـسـم كل متوانـي=لـعـيـون مـنـهـي تـنبَا مـن قرايبنــا طـمـرتنـا طـمـرةٍ تنـسـم بها الوانـي=في مكظم الريع يوم البر ضاق إبنا وعقرت صفراء تنومس كل ديقانـي=كدَت وطاحت بشـيـخٍ كـان كـاربـنـا |
ابو بطي تسلم طال عمرك وتشكر على توضيح السالفه وذكرها بالتفصيل والدقيق وذي عوايد ربعنا الغييثات العلوم الطيبه وتدل على شجاعتهم وبارك الله فيك على التفصيل للقصه المشهوره للغييثات اهل الثمان وعندي سوال يابو بطي جو دخان هو اللي في الدهنا ؟ تحيات اخوك ابو عبد الله الشكري |
دغش البطي
وقعة الثمان مشهوره وفعول الغييثات مهيب غريبه وصح لسان ابن شفيا |
|
بيض الله وجهك اخوي بوبطي على السرد الاكثر من رائع وماقصرت يالقرم
|
ما قصرت يا دغش البطي على السالفة
ولا هنت ....... |
بيض الله وجهك ولاهنت على السرعه في ايراد الفعول الطيبه
|
اقتباس:
|
اقتباس:
|
اقتباس:
|
اقتباس:
|
اقتباس:
خيال العبيه مرحبابك يالقرم وبمرورك العاطر والباهي شرفني حظورك ومتابعتك وتعقيبك الله لايهينك يالسنافي عاطر التحايا القلبية من محب الجميع : دغش البطي |
اقتباس:
أبو زيد الغييثي يامرحباً تراحيب السيل مرورك ومتابعتك شرفٍ كبير لاهنت ياابيض الوجه تقبل الود والتقدير محبك دغش البطي |
رد: وقعة الثمان !!!!!
|
رد: وقعة الثمان !!!!!
|
الساعة الآن 11:04 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
