::: مـنتدى قبيلـة الـدواسـر الـرسمي ::: - ابلغ المعاني والامثال في هذه القصيده

- :: قسم الـشعر العــام :: (http://alduwaser.org/vb/forumdisplay.php?f=16)

- - ابلغ المعاني والامثال في هذه القصيده (http://alduwaser.org/vb/showthread.php?t=34660)

ابلغ المعاني والامثال في هذه القصيده

الحـر يزكى .. والدجاجـه.. دجـاجـه =وماني علـى بعـض المقاريـد مجبـور
الضـرس قلـعـه لا تـألـم عـلاجـه =لا صار مـا ينفـع معـه طـب دكتـور
وحكي القفى في الناس عيـب وسماجـه =واللي يتتبـع عـرض الأجـواد مثبـور
(نارد) قرا ح المـاء...ونتـرك هماجـه=هـذا لنـا مبـدأ.. ومنهـج ..ودستـور
واللـي يطفـي فـي الغـداري إسراجـه =لايحتري قمرا ...ولا يرجـي النـور
تـراه يضيـع صيدتـه فـي عجـاجـه =لا يسمع الناصـح.. ولا يأخـذ الشـور
والكـل يبخص فـي الشدايـد خراجـه =لا نشبت اللقمة من الغبن فـي الـزور
والحـظ لابـان الـردى فـي حجـاجـه =أصبـر مـدام الصبـر ياخـوي مقـدور
الله خلـق كـونٍ وسـيـعٍ.. فجـاجـه =والعبد لو يطـرد وراء الـرزق معـذور
و(راع) الرفـيـق ولا تعـكـر مـزاجـه =خلـه سعيـدٍ دايـم الــدوم مـسـرور
كسـر الخواطـر مثـل كسـر الزجاجـه =نفس البشر دم.. وأحاسيـس.. وشعـور
واللـي يتصـدد مالكـم فـيـه حـاجـه =يالله عسى إللي يدور الستر .. مستـور
وحذرا تصير لبعض الألسـن علاجـه =بعض البشر يحلف.. ويشهد ..على الزور
والتمـر يعـرف طيبـه مـن خمـاجـه =ماجـور ياللـي تدهـل الطيـب ماجـور
الـواحـد القـهـار راعــه ونـاجـه =الله يكافينـا مـن الضـيـم والـجـور
يقولـه إللـي قاسـي الوقـت عـاجـه =صابر وهمـه داخـل الجـوف مقبـور

الرجا ممن يعرف صاحب القصيدة يتفضل علينا بذكر اسمه