::: مـنتدى قبيلـة الـدواسـر الـرسمي ::: - شعراء يبدعون في مدح الأمير الشاعر حزام بن عبدالعزيز بن حزام العجالين


	بسم الله الرحمن الرحيم القصيدة الأولى وهي للشاعرالشيخ عبدالله بن مرضي العجالين يمدح الأميرالشاعر حزام العجالين واسندها أيضا على آل وحيد أهل الهدار يقول فيها يالله المطلوب يامنشي السحايب= يامدير الفلك ياعادل هواها لانضرت الراس لين الراس شايب= أتفكر في حياتي ويش بلاها زين ركبن في الغمارة والعجايب= والدلال محملاتن مانساها ياحزام القرم ياعيد الركايب = يازبون الجيش ياحامي قفاها جدك اللي يوم ولعت الحرايب= كم صبين هاب من خدن وطاها طالبك ردو غزالن ذار هايب= في نحاة العرق والقناص جاها طفل ريمن حدرت يده المصايب= مرتعه في شقتن يتبع هواها يانديبي فوق مومية الجنايب = من بطين عمان ماتنقل عصاها تنحر آل وحيد عيد الركايب = عيد هجنن من القصى تشكي حفاها ياهل الهدار ماب الحال طايب= أشهد أن النفس لحقت في قصاها القصيدة الثانية وهذا هو رد آل وحيد عنهم الشاعر الفحل مبارك بن مسفر آل وحيد وامتدح الشيخ عبدالله بن مرضي العجالين وايضا أمتدح الأمير الشاعر حزام العجالين يقول فيها يالله المطلوب ياجزل الوهايب= يارفيع الشان ياباني سماها من لجابك ياولي ماهوب خايب= تعلم اللي تظهر النفس وخفاها ياهجوسي جاك من يمي نبايب= جاويبني جيت بالطرس ودواها انتقي من ندر بيوت طوايب = تطرب اللي سمعها واللي قراها آتشرف دون كل الربع نايب= آل وحيد عزوتي روحي فداها هاض مابي قاف فكاك النشايب= راعي الكف الندي يندى نداها مجاسه ينصاه ضيفان وقرايب= والعلوم الغانمة دايم حزاها يانديبي جارك الله النوايب = فوق جيب لانوى الفرجة عطاها وارد الفكس آر ميزاته غرايب= لامشى كنه على الارض يتباها تتجه لحزام زيزوم الصعايب= من رجال مايخيب اللي نصاها لاد عجلان عطيبين الضرايب= في الملاقى كونها يفني عداها ينعرف رجالهم وقت الطلايب= من على جدانها يذري ذراها من قديم من على عوص النجايب= سيرة كالشمس مايحجب سناها ياحزام القرم ماب الحال طايب = لين تاصل نفس أبومرضي مناها يستلذ بقرب منقوض الذوايب=الهنوف اللى خذا قلبه هواها ناصله ونشوف علمه والسبايب= نفهم الموضوع والبيروغطاها كانها بالجاه محدن عنك غايب= كلنا في شف أبومرضي وجاها وكانها بالمال جينا بالحقايب= والفلوس تهون وش نبغي وراها ماحسبنا للخساير بالحسايب= ولانريد إلا من الوالي جزاها في لزومه كل بو ربعي حضايب= بالعلوم اللي يميزاها وفاها الهوى سهم على الألجاف صايب= والهوى لاحل في حال براها ليتها ياخوك تؤخذ بالنهايب= كان نفسه بالهنا تنسى شقاها ناخذ المجمول لوهي بالغصايب= والردي اللي يعود ماخذاها