|
مـــد ر ي
الشاعر صقر النصافي كويتي الجنسيه خرج في قافلة من الكويت إلى السعوديه فجاءته امرأة من جماعته وقالت خذ هذا الولد معك يعني ولدها لكي يعتاد غلى السفر والغربه ويستفيد من الرجال فرأى صقر في هذا الولد كثرت الحكي والخفه شوي لأن بضاعتهم اللي معهم تتن ولا يبون أحد يدري بها لأنهم يستحون فقال له صقر إذا سئلت من وين ولا وين رايحين قل مدري وبس ،،، امسوا وفي الليل سمع الولد صوت عرس فراح له وشاهد بنت ترقص وفيها دناديش [ يجي له ذكر في القصيده] جا الولد وجلس فرأه اثنين من الجالسين قالوا وش اسمك قال علي من وين وعلمهم بكل شيْ درى صقر النصافي بروحته وتعليمه للناس ببضاعتهم فقال هذه القصيدة
ياعلي خل العيدلم الدناديش = اللي تنظف كل يوم جسدها تبغي تماري ناقضات العكاريش = في كل ملفاح تنقض جعدها العيد عيد الله ولوفات حتيش = من حسبة أيام يمرك عددها نبي نعلمك المساري على الجيش= تمشي ذلولك لين يفتر جهدها خابرك منتب ضاري للمطاريش = نبيك تونس حلوها من نكدها ليلة على مسرى وليله مغابيش= وليله نخلي نومها لمن رقدها وليله على تمره وليله على عيش = وليله نوكلك الشحم صيد يدها احفظ لسانك لايجي فيه تبطيش = تصبح عيونك كايدات رمدها يجيك من ينشدك نشدة تفاتيش = يبي يسنع هرجة يعتمدها خله يقوم امفلت في يده ريش = يروح منك وحاجته ماوجدها ترى دعابيل الخبول الفوانيش = تبدي بمافيها ولا احد نشدها يجيك واحدهم يورش تواريش= سحابته يسبق مطرها رعدها تجي سوالفهم بضحك وتبهيش= وقلوبهم مااحد يفكك عقدها والقصيده أطول من ذلك |
لاهنت اخوي الواضح علي القصيده والقصه الجميله..
وبيض الله وجهك.. تحياتي لك |
قصة وقصيدة جميلة جدا
بيض الله وجهك على سردها لنا وتحياتي لك |
أخوي / ســعــد الغــريــري
أسعدني مرورك وشرفني تعليقك |
يعطيك العافيه أخوي الواضح على ذا القصه والقصيده ولاهنت والله...
النادره |
أخوي / سالم الغريري ووجهك أبيض أسعدني وشرفني مرورك |
أختي / النادره العافيه موصولة لك ولا هنتي على المرور |
الله يرحم النصافي الشاعر المعروف الواضح لا هنت وانا اخوك على القصه والقصيده والفايده منها اخـــــــــوك ابو عبدالله |
ولاأنت يالشكري أسعدني وشرفني مرورك |
لا هنت يالقرم على القصة والقصيدة ،،، تجيب العلوم الطيية يالسنافي "الواضح". وتقبل خالص الشكر والتقدير ،،، |
أبو طارد ماعليك زود شرفني وأسعدني مرورك |
الواضح لا هنت وبيض الله وجهك وانا اخوك على هذه القصه والقصيده الرائعه ولاتخلينا من هذه القصص الطيبه طيب الله حالك وفالك والله يرحم الشاعر المعروف صقر النصافي عاطر التحايا القلبية دغش البطي |
ووجهك أبيض أخوي / دغش البطي شرفني تعليقك وأسعدني مرورك وأبشر بما يسر المطاليق |
بسم الله الرحمن الرحيم الاخ الفاضل الـــواضـــــح بيض الله وجهك على هذي القصه والقصيده الجزله اختيار موفق جعلك تحيى وتسلم عز الله العزيز ان القصه فيها دروس وعبر واسأل الله رب العرش العظيم ان يرحم الشاعر صقر النصافي وان يتجاوز عنه في بيع التتن. اخوك / فهد الغريري.. |
الواضح السلام عليكم ورحمة الله وبركاته وفيت ولاهفيت وبيض الله وجهك على القصه والقصيده الرئعه عوتناء على الجميل جمل الله حالك واننتظر منك المزيد بذن الله تعالى تقبل تحيات أخوك . ابــن هـــد يـــهـــد |
الساعة الآن 12:15 AM
 |
Powered by vBulletin® Copyright ©2000 - 2025, Jelsoft Enterprises Ltd.
---