يالله يا المطلوب يا عالي الشان = يا خالقاً خلقه ومحصي عددها
يا جاعلً في الناس رابح وخسران = ياللي تعرف احلولها وتعقدها
يارب باسمك ببتدي نظم قيفان = مثايلً يروي بها من وردها
مثايلً تحفظ على مر الازمان = يقولها اللي من ضميره نقدها
فاللي لهم في ساحة العز نيشان = في سنيننا اللي ماضيات وجددها
واخص من له داخلي قدرا ًوشان = اللي فعوله ما حصينا عددها
يابومحمد زان بك هل الاوزان = هل الغيوم اللي تساقط بردها
ياللي فعلت الطيب يا طير حوران = فيك القصايد يفتخر من قصدها
زان القصيد وزينه فعل ذيبان = اللي بفعل الطيب بين سعدها
يوم القصايد جالها اليوم برهان = فسمك حلاوتها وفعلك شهدها
حيثــك مديح وما بدر منك عنوان = وفيك النشيده صادقاً من نشدها
وأن كان يمنح راعي الطيب تيجان = فما ظن غيرك يا السنافي حصدها
ياملتجى صف الدواسر بميزان = يامعتلي صف القروم ونجدها
ياظلنا الممدود لاثار دخان = لا بينت عسر المواقف نكدها
يا مروي العطشان لا جاك ضميان = يا قاضي الحاجات يومك سندها
ياللي على الفزعات شفقاً وطربان = يوم احتمى الازم سقيت بكبدها
داويت من له خمسة اعوام بلشان = يرجي شيوخاً ماتوفي وعدها
يوعدني فلاناً وعود على فلان = وكلاً يقول احلولها من وجدها
وجيت ورفعت الراس من بين شيخان = وام الكباير مالها الا ولدها
بدر اللذي مثل القمر في السماء بان = يبين لعيوناً عماها رمدها
من لابةً لامن غدى الجو نيران = لاد البريكي فالمواجب سددها
من لاد زايد لا رقص كل شيطان = لاجا نهار الهوش بين مددها
هذا وانا من لابةً ساس فرسان = ربعاً سيوف الهند تروي حددها
بين الدواسر بين ذريبن الايمان = ربعاً نهار الهوش يظهر هددها
لاد الحريجي للتقاء الجيش شجعان = سقم العدو مسمار بين شددها
وختامها صلو على اشرف انسان = ناشر عقيدتنا ومرسي عمدها
محمد المبعوث من نسل عدنان = جاب الرساله ويل منهو جحدها