هــلا مرحبا ترحيبت(ن) تبدي سوات النور=تراحيب(ن) سوات النور في جو السما العالي
عدد ما شالوا الشيله عدد ما جروا المجرور=عدد ما بان في جو البسيطه شمس وهلالي
هلا مرحبا بالضيف والطرقي وراع الدور=اقوله بالنيابه عن حزامي والله الوالي
اقوله عند ربعي عزوتي يوم الأمور عسور=جبال(ن) فالجزيرة في ذراها يأمن الجالي
وفارسهم بوقت الحرب واحد عن مية طابور= يوردها لو ان الجمع يزمي كنه خيالي
مواقف شهيرة يوم كل(ن) له فعل مشهور=ليان(ن) للرفيق وخصمهم يعطونه الصالي
وعليَه بالحرام ان الليالي ما عليها قصور=لكن اسم ربعي عزوتي في خافقي غالي
على الخرفه واهلها سلام(ن) بالوفا مغمور=هل اليمنى الكريمه يوم سيف الجوع قتالي
((وأنا غييثي من ارجال الدواسر مركزي معمور=على وجه البسيطه لو تميل الأرض ما مالي))
تدور دهور ولا عصور ولا سنين ولاشهور=قوي الباس ماينداس دايم منزله عالي
تموت البوم فبيوت الخرابه والصقور صقور=وعوايدنا الدواسر نزلنا فالعز ما زالي
وانا شاعر ليا جيت المحافل مكسبي جمهور= ليا ارضيته يكفي عن الدنيا والاموالي
وصلاة الله على الهادي عدد ما بان ضوح النور=عدد ما بان ضوح النور في جو السما العالي

الشاعر/ سلطان بن جزاء الغياثات
وتـــرقـــبـــــوا قــصــيــدة عــــ 1429 ــــام ..قـريـبـاَ..

الأخ محمد الولاميــن
صــــح بدنــــكـ
ولاهنـــت علــى المـــرور

ولكـ جــزيــل الشـــكر...

المشاركة الأصلية كتبت بواسطة المطنوخه (المشاركة 395092) صح لسانك اخ سلطان على القصيده الرائعه ولاهنت على الطرح...والله يجمعهم دائما ولايفرقهم..