مبداي في ذكر الولي عالي الشان=الواحد اللي كوّن الكايناتي
سبحان من له دبرة الخلق سبحان=علاّم بالبين وبالخافياتي
اللي فرض الاسلام من خمس الاركان= شهادتين وتابعتها الصلاتي
منها زكاة المال والصوم وكدان= والحج للميسور علم ثباتي
ومن بعد ذكره ياطويلين الايمان= عبرت عما في ضميري وذاتي
بمناسبة حفلة شباب الوطن زان= القاف والتعبير غاية مناتي
عسى الفرح يدوم في كل الازمان= آمين قولوها معي بكلماتي
في ضل قايدنا فهد طير حوران = سور الجزيره صانع المعجزاتي
فهد فهد قايد سفينه وربان= شهد لها التاريخ والمنجزاتي
بنا المدارس له للعلم مجان= الحضر واللي يسكننون الفلاتي
شيد صروح العلم في كل ميدان = من بادي التعليم للجامعاتي
احد" طلع دكتور ماهر وفهمان= واحد" درس لقيادة الطايراتي
العلم وصى الناس به نسل عدنان= قال اطلبوه من المهد للماتي
العلم يعمر به شعوب وبلدان=والا الجهل خلا الاوادم شتاتي
ماينبي بيت" على غير عمدان = ومن لا تعلم راح عمره فواتي
ومني على اهل الحفل شيب وشبان= سلام ممزوج" بسكر نباتي
وتحية فيها شذا الورد عنوان = تضفي على كسابة الطايلاتي
تم الكلام اللي وزنته بميزان=ماقل دل ولا مثله شاهداتي