امـان يـادار النبـي والصحابـه=امان ياديرة هـل العـز والجـود
ديرة هل العوجا شمـوخ ومهابـه=دار الحرم دار الكرم شمخ الطـود
ترثة معـزي كـل مجـد(ن) رقابـه=بالسيف طوع من دخل راسه الزود
يادار ابومتعـب سليـل النجابـه=رجل السلام وكل خلق الله شهود
حامي حمانا ماحـد(ن) قـد وطابـه=ياخادم البيتيـن ياوافـي العهـود
حب الوطن دم الشعب في ترابـه=ارواحنا ترخص ولاتوطى الحـدود
حنا وقود الحرب وحنـا اشتبابـه=لاثور البارود واجتمعت حشـود
نخلف هقاوي من جنونـه طغابـه=ولوه غدى كـف(ن) جينالـه زنـود
الا دعانـا سيـدي فـي خطابـه=كل الشعب صارت عزاويهم سعود
حنا لكم سيف(ن) بيدكـم انصابـه=امر ملكنا كلنـا عنـدك جنـود
واللي يخون الدين لوهـم قرابـه=عرض البهم مذبوح ماعنه منشود
نقضي على الارهاب ومنهو سعابه=ونطهرك يادار مـن كـل نمـرود
يالله ياللـي مايخيـب الرجـابـه=ياواحد(ن) حجاج بيتـه لـه وفـود
تحفظ ملكنـا عـز منهـو لجابـه=وعسى بلادي كلها سهود ومهود

هلا اخوي الله يحييك ومشاعرك هذي ماهي غريبه فأنت احد ابناء هذا الوطن الغالي
جزاك الله كل خير على مرورك الكريم

المشاركة الأصلية كتبت بواسطة ميهاف (المشاركة 387715) ياسلام الله على من تسمى بالسعود .دولتن للدين قاموا باجدن وجتهاد.هم سلاح الدين وخيمة لمن ماله عمود.هم هل التوحيد الى دور العلم الوكاد.لا مشوا مثل السحايب ثقيلات الرعود.فزعتن لاهل الشريعه وللعاصي نفاد