الخوف مابيني وبينه مواجه = اطاه لو اطى برجلي على صاج
امشي على وضح النقا والزراجه= واعطي على الحجان لاعقد حجاج
كل ٍ على كيفه يحكم مزاجه = حماد له منهاج وحمود منهاج
والي عيونه في دروب العواجه = الايالقى مدخال مافيه مخراج
شي ٍ طبيعي من جداره قزازه = لايحذف بحيده طويلات الابراج
الوقت مهما ضاق فيه انفراجه= يرسل لك الخالق من الخلق فراج
والشاوي الي راس ماله نعاجه= ولافكر بشيخه ولافكر بتاج
يعرف مداخيله ويعرف خراجه= ويحسب الانتاج في وقت الانتاج
في هالزمن بيعيش عيشة خواجه= سالم من المشروه وانواع الاحراج
فلا قرنسن شقر الحرار الدجاجه= ولاخلق لوجيه الرياجيل مكياج
تدري يا ابو تركي وش اخير حاجه = انك تعيش العمر منته بمحتاج
وتدري صراحه وش حياة السماجه= لاصرت منته شيخ وملبس ٍ تاج

تدري يا ابو تركي وش اخير حاجه=انك تعيش العمـر منتـه بمحتـاج

وتدري صراحه وش حياة السماجه=لاصرت منته شيخ وملبـس ٍ تـاج

الخوف مابيني وبينه مواجه = اطاه لو اطى برجلي على صاج
امشي على وضح النقا والزراجه= واعطي على الحجان لاعقد حجاج