::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم تاريـخ قــبـيـلة الــدواسـر :: (http://alduwaser.org/vb/forumdisplay.php?f=11)
-   -   موقف الأمير/عبدالله بن عريمة وال ناصر من تواجد قحطان في وادي الدواسر وقصيدة بن بتلا (http://alduwaser.org/vb/showthread.php?t=32398)

صبي آل عريمه 30-08-2008 07:52 PM

موقف الأمير/عبدالله بن عريمة وال ناصر من تواجد قحطان في وادي الدواسر وقصيدة بن بتلا
 
قبيلة آل ناصر إحدى قبائل الوداعين أهل فرعة الوادي

وأميرهم / عبدالله بن سعد بن فراج بن سعد بن عريمة آل ناصر وخوالة الشكرة

من الحنابجة لقب ( بعريمة ) قبل قرن من الزمن وهو صاحب اللقب

واشتهر اللقب في القبيلة على حساب ناصر ؟ وتسموا به الأكثر قربا

من الأمير عبدالله أما الغالبية فلم يتسمون به ولم يحبذوة خوفا ان يطغى على

اسم الجد الاعلى للقبيلة (نااصر) ~ وبقوا محافظين على اسم ال ناصر في

بطاقات الاحوال المدنية ~ فعريمة لاتجمع ال ناصر ويجتمعون فقط في ناصر.

بن عبود اميرال مسعود من قحطان وقبيلته ال مسعود ارادوا

النزول في وادي الدواسر على اساس انهم من الاخوان واهل دين ويريدون

الاقامة في البلاد والصلاة في المساجد وعندما سمع بالخبر ال ناصر

وعلى رأسهم الامير عبدالله بن سعد بن عريمة قال قولتة المشهورة

( والله مانجتمع في الوادي ياقحطان كون يجتمع البارود والمشهاب )

واشتهرة مقولته في وادي الدواسر لما حملته من حمية صادقة وشموخ رااسي

وهذا البيت يشيد بهذة المقولة للشاعر الكبير / فالح بن حمود بن بتلا المخاريم الدوسري

فقالوا :



ياكون يصاحب الذيب سرحان =ولا المحبب يجتمع والمشاهيب

( وقال وفعل ) واشار الفارس الشيخ سمحان بن برغش بن عريمة

على ان نصبحهم فجرا في مسجدهم ورفض الامير عبدالله احتراما لبيت الله وهو

معروف بالتدين واتفقوا على ان يلزمون المحاجي ويرصدونهم وهم خارجين من

المسجد ووصل بن عبود الخبر وفروا من الوادي عن بكرة ابيهم لايلوون على شي

وذهبوا يشتكون وقالوا بن عريمة يعد العدة لحربنا واخراجنا هو وقبيلته

والحقيقة انها كانت فتنة في الوادي ولم يكن هنااك اتفاق بين الدواسر

على راي واحد بل كل قبيله ذهبت برئيها فمنهم من قال مايجوز هذولا مسلمين

ومن الاخوان واهل دين الخ ... ولايرون حربهم واخراجهم بل مكثهم .

ومنهم من احجم ولزم الحياد .اما قبيلة ال ناصر فهذا موقفها بل كانت مواقفها

معروفه ومشهودة قبل الحدث لما علم عنهم واشتهر من حمية على الوادي

وشدة بأس بيت من قصيدة طويلة للامير / فراج بن نادر في خوالة ال عريمة

وعلى وجه الخصوص خاله الأمير / عبدالله بن سعد بن عريمة

خوالي حمى الفرعة من الجاهلية =عز البلاد وسترها مـن وراهـا

ويوم شافوا صدق الرجال وثباتهم وولوا مدبرين ~~ ولولا صبيان ال ناصر

لمكثت قحطان في وادي الدواسر الى يومنا هذا ..

واليكم قصيدة الشاعر الكبير فالح بن حمود بن بتلا المخاريم الدوسري

وهي توضح بجلاء ماجرى من بن عبود وقحطان مع الامير عبدالله بن سعد عريمة وال ناصر جماعتة




ياحمود قرب موترك وانت عجـلان =ودي بمسيارٍ على منبـع الطيـب
ودي بمسيـارٍ لذربيـن الايـمـان =يم ال عريمة متعبيـن المواجيـب
ومن قلطك قل ناصيٍ بن سمحـان =فالح ولد سمحان سمحان بن ذيـب
يوم قحطانٍ جاوا باسلوم الاخـوان =قالوا نبي الجيرة وحنا الاصاحيـب
فقالوا ياكون يصاحب الذيب سرحان =ولا المحبب يجتمـع والمشاهيـب



قصيدة عبدالله بن عبدالرحمن بن عريمة




تو ماطـاب لـي بـدع المثايـل =وكل قول"ن" طراتـه عنـد حلـه
نحمـد الله كسبنـا كـل طـايـل =والمعالـي لنـا وفيـنـا جبـلـه
ماخذينـا الجـزالـه والنفـايـل =كـون بالفعـل ولا الهـرج خلـه
يشهـد الله وتشهدهـا القبـايـل =وكلمـة الحـق ذروة طاعـة الله
مايهاب الخطـر ذيـب النزايـل =صـوّب المقـديـة والله يـدلـه
لابتـي يامسويـيـن الهـوايـل =محزمي فزعتي سيف"ن" وسلـه
يوم (قحطان ) أخطتهـا الدلايـل =( بن عبود )و يبغى ديرة"ن" لـه
صوب وادي الدوسر جاك صايـل =بآل مسعود جعلـه فـدوة"ن" لـه
غرّ (الاخوان) رزفـات الهبايـل =مادرى أنّ (العريمي) محتزيٍ لـه
فارتكـوا لابتـي بـام الفتـايـل =وكـل علـه ردفنـاهـا ابعـلـه
وعـودوا بالهزيمـة والفشايـل =وادي"ن" مارضينـالـه ابخـلـه
حن ذرى الدار ماضيـن الفعايـل =كاالنجـوم المراقيـب المطـلـه
الجمايـل نجازيـهـا ابجمـايـل =والمـلايـل نصاليـهـا ابمـلـه
(ال ناصر ) هل (الفرعه) الاصايل =نلطـم الشـره والعانـي نجـلـه

تركي ال فنيس 30-08-2008 09:53 PM

رد: موقف الأمير/عبدالله بن عريمة وال ناصر من تواجد قحطان في وادي الدواسر وقصيدة بن بت
 
كفووووووووووووووو ياصلايب جدي تفعلون اكثر

بيض الله وجهك علي السالفه اللي ترفع الراس

العماني 01-09-2008 10:13 PM

رد: موقف الأمير/عبدالله بن عريمة وال ناصر من تواجد قحطان في وادي الدواسر وقصيدة بن بت
 
ونعم والله بال ناصر والوداعين بدون قصور في قبيلة قحطان العزيزه

ولاهنت ياصبي ال عريمه على السرد التاريخي والقصائد والله يرحم الأمير عبدالله بن عريمه ويسكنه فسيح جناته .

تقبل تحياتي،،

الدعام 22-09-2008 01:09 AM

ال ناصر.....
 
حن ذرى الدار ماضيـن الفعايـل...............كاالنجـوم المراقيـب المطـلـه

الجمايـل نجازيـهـا ابجمـايـل...............والمـلايـل نصاليـهـا ابمـلـه

(ال ناصر ) هل (الفرعه) الاصايل...............تلطـم الشـره والعانـي نجـلـه



ويقول شاعر اخر في الامير عبدالله بن سعد بن عريمه ال ناصر


خل الركايب تنحر بيت عبدالله...............مع المهامل حداهن اشهب الالي


ويقول شاعر اخر في الشيخ الشجاع حمد بن فالح بن عريمه ال ناصر


يانافدى اللي حمى جيش(ن)مدابير...............يوم اشهب الدرج غاشيه الملاحي


ضربة مجره علا حد الزوافير...............والجيش منها خمود(ن)في المطاحي




ويقول الامير فراج بن نادر في خوالة ال عريمة

وعلى وجه الخصوص خاله الأمير / عبدالله بن سعد بن عريمة ال ناصر

خوالي حمى الفرعه من الجاهليه...............عز البلاد وسترها من وراها



مشكور ياصبي ال عريمه علا هذا الموضوع

والامير عبدالله بن سعد بن عريمه و جماعته لهم مواقف واحداث مشرفه
كيف لا وهم رؤوس قبيله رئيسيه في التفريع الاساسي للقبائل الودعانيه
كيف لا وهم أحفاد ناصر بن زايد(الصغير)بن ودعان بن سالم بن زايد الملطوم


أخوك الدعام


صبي آل عريمه 04-10-2008 08:41 PM

رد: موقف الأمير/عبدالله بن عريمة وال ناصر من تواجد قحطان في وادي الدواسر وقصيدة بن بتلا
 
الاخ الفاضل / تركي ال فنيس

تسلم يالقرم على مرورك المشرف وكلماتك الجزله

تقبل تحيات اخوك عبدالله

حازب الووودعاني 13-10-2008 12:04 PM

رد: موقف الأمير/عبدالله بن عريمة وال ناصر من تواجد قحطان في وادي الدواسر وقصيدة بن بتلا
 
وووووونعم والله بابن عررريمه

وصح الله لسااان ابن بتلاااا

تتحياتتي

صبي آل عريمه 15-11-2008 11:09 PM

رد: موقف الأمير/عبدالله بن عريمة وال ناصر من تواجد قحطان في وادي الدواسر وقصيدة بن بت
 
اقتباس:

المشاركة الأصلية كتبت بواسطة هايف العماني (المشاركة 376466)
ونعم والله بال ناصر والوداعين بدون قصور في قبيلة قحطان العزيزه

ولاهنت ياصبي ال عريمه على السرد التاريخي والقصائد والله يرحم الأمير عبدالله بن عريمه ويسكنه فسيح جناته .

تقبل تحياتي،،


الاستاذ الفاضل / هايف بن مبارك الغييثات

اشكرك كل الشكر على جزالتك وتشريفك للموضوع

وتقبل تحيااتي

برقية بيشه 16-11-2008 12:14 AM

رد: موقف الأمير/عبدالله بن عريمة وال ناصر من تواجد قحطان في وادي الدواسر وقصيدة بن بتلا
 
حن ذرى الدار ماضيـن الفعايـل...............كاالنجـوم المراقيـب المطـلـه

الجمايـل نجازيـهـا ابجمـايـل...............والمـلايـل نصاليـهـا ابمـلـه

(ال ناصر ) هل (الفرعه) الاصايل...............تلطـم الشـره والعانـي نجـلـه

عز الله انكم كفو يالعريمه قول وفعل والله يشهد على ماقلت

مجري الهياب 16-11-2008 02:38 AM

رد: موقف الأمير/عبدالله بن عريمة وال ناصر من تواجد قحطان في وادي الدواسر وقصيدة بن بتلا
 
حن ذرى الدار ماضيـن الفعايـل...............كاالنجـوم المراقيـب المطـلـه

الجمايـل نجازيـهـا ابجمـايـل...............والمـلايـل نصاليـهـا ابمـلـه

(ال ناصر ) هل (الفرعه) الاصايل...............تلطـم الشـره والعانـي نجـلـه

عز الله انكم كفو يالعريمه قول وفعل والله يشهد على ماقلت

خوالي وداعين 17-11-2008 11:05 PM

رد: موقف الأمير/عبدالله بن عريمة وال ناصر من تواجد قحطان في وادي الدواسر وقصيدة بن بتلا
 
كفو يالودااعين
انتم الوجاعين تو جعون الرياجيل

صبي آل عريمه 30-11-2008 08:48 PM

رد: ال ناصر.....
 
اقتباس:

المشاركة الأصلية كتبت بواسطة الدعام (المشاركة 385697)
حن ذرى الدار ماضيـن الفعايـل...............كاالنجـوم المراقيـب المطـلـه

الجمايـل نجازيـهـا ابجمـايـل...............والمـلايـل نصاليـهـا ابمـلـه

(ال ناصر ) هل (الفرعه) الاصايل...............تلطـم الشـره والعانـي نجـلـه



ويقول شاعر اخر في الامير عبدالله بن سعد بن عريمه ال ناصر


خل الركايب تنحر بيت عبدالله...............مع المهامل حداهن اشهب الالي


ويقول شاعر اخر في الشيخ الشجاع حمد بن فالح بن عريمه ال ناصر


يانافدى اللي حمى جيش(ن)مدابير...............يوم اشهب الدرج غاشيه الملاحي


ضربة مجره علا حد الزوافير...............والجيش منها خمود(ن)في المطاحي




ويقول الامير فراج بن نادر في خوالة ال عريمة

وعلى وجه الخصوص خاله الأمير / عبدالله بن سعد بن عريمة ال ناصر

خوالي حمى الفرعه من الجاهليه...............عز البلاد وسترها من وراها



مشكور ياصبي ال عريمه علا هذا الموضوع

والامير عبدالله بن سعد بن عريمه و جماعته لهم مواقف واحداث مشرفه
كيف لا وهم رؤوس قبيله رئيسيه في التفريع الاساسي للقبائل الودعانيه
كيف لا وهم أحفاد ناصر بن زايد(الصغير)بن ودعان بن سالم بن زايد الملطوم


أخوك الدعام


الاستاذ والباحث الدعام يشرفني مرورك وتعليقك

والابيات الاولى >>
خل الركايب تنحر بيت عبدالله = مع المهامل حداهن اشهب اللالي
قالها احد شعار قحطان ولا اعرف اسمه في الامير المضياف عبدالله بن سعد ال ناصر

---------------------------------------------------------

والابيات الاخرى مناسبتها وقعة جرت للامير عبدالله بن سعد بن عريمة
والشيخ والفارس حمدبن فالح بن عريمة صاحب عزوة (سترالناصريات حمد)
وهو انهم صادفوا قوم فعقر حمد احدى مطاياهم واصابها في نحرها والثانية
عقرها عبدالله بن سعد .. وكان الامير عبدالله بن سعد يحرص على عدم اراقة
دم الدوسري لكثرة الثارات والحروب الدائرة فكان عمدا منهم اصابة المطايا لحقن
دماء الدوسري ... وهو المعروف بالصلاح والتدين والحكمة

فقالت / نوير بنت سعد بن عريمة ال ناصر > شقيقة الامير عبدالله بن سعد

هذه الابيات

يانافدى اللي حموا جيش.ن. مدابير= يوم اشهب الدرج غاشيه الملاحي
ضربة مجرة على حد الزوافير = والجيش منها خمود.ن. في المطاحي
تكفون هدوهم في البيض الغنادير = واللي تردهم فبوها في المجاحي

صبي آل عريمه 08-12-2008 04:32 PM

رد: موقف الأمير/عبدالله بن عريمة وال ناصر من تواجد قحطان في وادي الدواسر وقصيدة بن بتلا
 
ارحب ياحازب وماعليك زود يالقرم

اشكرك لمر ورك الكريك وكلماتك الجزله

تقبل اطيب تحياتي

صبي آل عريمه 08-12-2008 04:37 PM

رد: موقف الأمير/عبدالله بن عريمة وال ناصر من تواجد قحطان في وادي الدواسر وقصيدة بن بتلا
 
اقتباس:

المشاركة الأصلية كتبت بواسطة برقية بيشه (المشاركة 403394)
حن ذرى الدار ماضيـن الفعايـل...............كاالنجـوم المراقيـب المطـلـه

الجمايـل نجازيـهـا ابجمـايـل...............والمـلايـل نصاليـهـا ابمـلـه

(ال ناصر ) هل (الفرعه) الاصايل...............تلطـم الشـره والعانـي نجـلـه

عز الله انكم كفو يالعريمه قول وفعل والله يشهد على ماقلت


الاخ الفاضل برقية بيشه هذا من طيب ساسك

يالقرم وماعليك ولاعلى الطيبين زود

وشهادتك وسام وشرف

تقبل اسما تحيااتي

عبدالله

ابو حمدان 09-07-2010 03:51 AM

رد: موقف الأمير/عبدالله بن عريمة وال ناصر من تواجد قحطان في وادي الدواسر وقصيدة بن بتلا
 
بيض الله وجهك على السالفة الطيبة

بس عندي ملاحظة أنت تقول ان عريمه لقب عبد الله ابن سعد وهذا غير صحيح لأن عريمه

لقب ( فراج ) جد عبد الله ابن سعد واللي من هم :

1- آل برغش
2- وآل مطلق
3- وأولاد عبد الله ابن سعد ) .

محمد بن فهد الرجباني 09-07-2010 04:32 AM

رد: موقف الأمير/عبدالله بن عريمة وال ناصر من تواجد قحطان في وادي الدواسر وقصيدة بن بتلا
 
كفووووو تسلم ياصبي آل عريمه

تحياتي


الساعة الآن 05:21 PM

Powered by vBulletin® Copyright ©2000 - 2025, Jelsoft Enterprises Ltd.
---