::: مـنتدى قبيلـة الـدواسـر الـرسمي ::: - قصيدة مهده للأمير /سلمان بن عبدالعزيز

- :: قسم الـشعر العــام :: (http://alduwaser.org/vb/forumdisplay.php?f=16)

- - قصيدة مهده للأمير /سلمان بن عبدالعزيز (http://alduwaser.org/vb/showthread.php?t=32191)

قصيدة مهده للأمير /سلمان بن عبدالعزيز

قصيدة مهداة لسيدي صاحب السمو الملكي الأمير

سلمان بن عبد العزيز آل سعود

أمير منطقة الرياض أدام الله عزه ، بمناسبة مرور خمسين عاماً على توليه إمارة منطقة الرياض

سلام يا عز الرياض ويا فخر نجدٍ سلام = يا اميرها يا عزها يا رمزها يا سورها
سلام يا الرجل الغيور ويا ولد ذاك الإمام= اللي رفع راياتها في برها وبحورها
ارّث لنا ليثٍ تسلسل من رفيعين المقام= آل السعود اللي على العليا تطول اشبورها
سلمان سلمك الولي والعز يبقى لك دوام= أنت الموجه في تطورها وكل امورها
أنزف لك حب وولاء بمناسبة خمسين عام= على قيادتك الرياض ومنك يشرق نورها
دليتها درب التطوّر والسعد والحظ قام= تشهد معالمها الجسام وشامخات قصورها
تطوّرٍ ما صار مثله في الحضارات القدام= في عاصمتنا جارها الله من اصدوف ادهورها
تسلم يمينك يالمشيد وراعي البني التمام= بادلتها الحب العميق وعانقتك ازهورها
سلمان سلمان الوفا سلمان سلمان النظام= اسمه تعلا واشتهر يوضي سوات ابدورها
اسمٍ يليق ابه الفخر والنور جلاي الظلام= من حكمته تبنا الصروح وتوّها في طورها
أبو فهد عز البلاد وفزعته تجلى الملام= حبه تناقله العرب باقلامها وصدورها
نجدٍ تماريبه مشاهير العرب غربٍ وشام= حقايق التاريخ تشهد والرجال احضورها
يجازي المخطي بصفح ولا يحب الانتقام= تواضعٍ زاده شموخ وبرهنته عصورها
وان عاد طلاب القشر عليه نزواته حرام= يبشر بيمناً تقعد العايل ويشكي جورها
يمنى العديم اللي يفادي فالمواقيف الجسام= حلالها كسّارها جبّارها دكتورها
أميرنا اللي عندنا له كل حبٍ واحترام= عسى السعد له حاضرٍ بايامها وشهورها
مقدم هل العوجا زحازيح الوغى يوم الزحام= هوماتهم يوم الحرايب ما تصد اسبورها
كم سربةٍ بايمانهم راحت طلايعها عدام= عقب التباهي والعجب مافادها مغرورها
خسران من ينطح جبالٍ ما يزعزعها العسام= ترسي وصلفات الهبايب ما تهز اوعورها
دخيلهم يوم الحرايب لا يهان ولا يظام= في ضل حكام الوطن كنه بعالي قورها
ارفع تحيات الــولاء وأقول غرد يا حمام= ما دام سلمانٍ لها تبشر بكل اسرورها
وصلاة ربي عد ما هلت هماليل الغمـــام= على نبيٍ ناصح الامة وزال اشرورهــــا

الشاعر / محمد بن سعود عائض آل بريك الدوسري