|
دواسر لا قالت القول تفعل
أعزائي و احبتي اعضاء منتدانا الغالي ، اضع بين أيديكم هذا الصوت والصدى لشاعرين كبيرين الأول هو الشاعر/ فرج بن سويدان السباعي المسعري والثاني عبدالله بن عوض الرشيدي ، وكان البادىء هو الشاعر المسعري مسندها على الشاعر الرشيدي:
بديت بإسم اللي عليه اتوكل = رب كريم باظلم الليل ندعيه غافر ذنوب العبد لامنت تمشكل = لامن دعاه وتاب لله ينجيه علاّم مايخفاه دق ولا جل = وهو الحكيم الحاكم الحكم بيديه منشي مخاييله على القاع الأمحل= عقب المحل من زين الأعشاب يكسيه من بعد ذكره يانديبي تجمل = ود الكتاب لمن تنومس مماشيــه صوب الرشيدي كاسب المدح وصل = عيد الركاب إن جات من البعد تبغيه عبدالله المعروف للطيب يفعل = أبو عوض يشكر ليا حل طاريـه يضحك حجاجه للمسيّر ليا أقبل =وما جاه من ضيفٍ بصوته يحييه بيته مقر للنشاما ومدهل = بيتٍ غشاه العز من طيب راعيه وعلم الثنا يثنى على كل مشكل= اللي مع أهل الطيب تعرف مساعيه فيابوعوض من ضيقة البال نزعل= والبال سبة ضيقته من لياليه ليا فاتني حلٍ مضى وابتدى حل = قلبي هواجيسه تلوفه وتكويــه وقتٍٍ أموره يالرشيدي تنازل = فيه الدليل يضيّع الفكر ويتيه والذيب شفته من المراقيب حوّل = وأبا الحصيني غامصه في تحديه أشوف وقت يالرشيدي تبّدل = فيه الردي اليوم يلحق تمانيه والخاتمة يابو عوض شفلي الحل= راع المعرفة نستفيد بمعانيه [size=5]وكان رد الشاعر عبدالله بن عوض الرشيدي :
حي الجواب اللي على العز مرسل = من شاعرٍ ذكره ينومس بني خيه قرمٍ وله في قمة العــز منـــزل = ورجم الوفاء ماكل رجلٍ يعديــــه فرج بحبل الشعر ينقض ويفتل = وفكـره ليا ضاع الدليلة يقديــه من لابــةٍ في الحرب ماتعرف الذل = وعدوهم ما تقبل النوم عينيـــه دواســرٍ لا قالت القـــول تفعــــل = كـلن يبيع الروح من دون عانيه أهل الكــرم والجود حماية البل = وزبن الدخيل اللي غريمـه مجليـه ويابو سويدان أنت تنزل وترحل = وتشــكي زمانٍ حاضــره عكس ماضيه وقتٍ به الرديان تقفي وتقبل = وكلن يقول الحق عندي وابعطيـــــه تفعل فعــل عنتر وفعل المهلهل = في ظـل سيفٍ يعطي الحق راعيـــه والفرق واضح بين الأعمي والأحول= فرقٍ رجال العرف ما تشتبه فيه اللي يشوف الشمس ماسار بالظل = لو كان ظله كل يومٍ يباريـــــــه اصبر على جور الزمــان وتحمــل = وربك كريم ولا يخيب الرجا فيه أما يطيح الحظ ولا يتعــدّل = ولاّ ينـــــام وفزعـــة الله تصحيــه هــذي سواة الناس تنجح وتفشل = وهذا الدهــر كلٍ شكى من بلاويه وليا عصاك السوق طع له وجامل = حتى تبيع وتشتري من مقاضيـــه واللي زعل من عملةٍ ما تجمل = قلـّــه يطب السوق والسوق يرضيه وما يكتب الباري على العبد يحصل = واحدن يبيح السر واحدن يخفيـــّـــه لو كان له في وسط بيتٍ مقــفــل = اللي كتب له في جبينـه يلاقيــــــه وصلاة ربي عد نوّن تهلهــــل = على رسولٍ كلنــا نشتفع فيــــــــه |
أخوي أبو عبدالمحسن المسعري الله لايهينك على إيراد القصيدتين وصح الله لسان الشّعار |
أخوي أبو عبدالمحسن المسعري
بيض الله وجهك علي ايراد القصائد الجزله والرائعه |
أرحبووووو
الأخوين العزيزين " الواضح" و" تركي الودعاني " أرحبو جميعاً وأشكركم على هذا الرد الجميل ودمتم سندا وذخرا .
|
أخوي أبو عبدالمحسن المسعري بيض الله وجهك علي ايراد القصائد الجزله والرائعه واللتي تعتبران من شاعرين كبيرين صح الله السنت الشعار فهنا صوت جميل جداً : فيابوعوض من ضيقة البال نزعل والبال سبة ضيقته من لياليه ليا فاتني حلٍ مضى وابتدى حل قلبي هواجيسه تلوفه وتكويه وقتٍٍ أموره يالرشيدي تنازل فيه الدليل يضيّع الفكر ويتيه والذيب شفته من المراقيب حوّل وأبا الحصيني غامصه في تحديه أشوف وقت يالرشيدي تبّدل فيه الردي اليوم يلحق تمانيه والخاتمة يابو عوض شفلي الحل راع المعرفة نستفيد بمعانيه وهناك صدى أروع: ويابو سويدان أنت تنزل وترحل وتشكي زمانٍ حاضره عكس ماضيه وقتٍ به الرديان تقفي وتقبل وكلن يقول الحق عندي وابعطيه تفعل فعل عنتر وفعل المهلهل في ظل سيفٍ يعطي الحق راعيه والفرق واضح بين الأعمي والأحول فرقٍ رجال العرف ما تشتبه فيه اللي يشوف الشمس ماسار بالظل لو كان ظله كل يومٍ يباريه اصبر على جور الزمان وتحمل وربك كريم ولا يخيب الرجا فيه أما يطيح الحظ ولا يتعدّل ولاّ ينام وفزعة الله تصحيه هذي سواة الناس تنجح وتفشل وهذا الدهر كلٍ شكى من بلاويه وليا عصاك السوق طع له وجامل حتى تبيع وتشتري من مقاضيه واللي زعل من عملةٍ ما تجمل قلّه يطب السوق والسوق يرضيه وما يكتب الباري على العبد يحصل واحدن يبيح السر واحدن يخفيّه لو كان له في وسط بيتٍ مقفل اللي كتب له في جبينه يلاقيه وصلاة ربي عد نوّن تهلهل على رسولٍ كلنا نشتفع فيه وسلمت يمينك ياذيبان ونطمع بالمزيد من هذه المساجلات الطيبه تحياتي لك أخوك دغش البطي |
أخوي أبو عبدالمحسن المسعري
بيض الله وجهك وأحسنت علي ايراد القصائد الجزله والرائعه ودوم أعلومك طيبه لا عدمناك |
...
الرائعين دغش البطي وبليهي الودعاني : ارحبوا جميعاً وتسلمون على الرد الطيب وعسى الله يوفقنا جميعاً لطاعته ثم لخدمة هذا المنتدى الرائع. |
لا هنت اخوي المسعري
و ننتظر جديدك و تسلم على القصايد الجزلة ...... |
....
الغالي/ خيال العبية ومن قال مايهون يالذيب ، وأبشر إن شاء الله بالمشاركات الجزلة اللي بيقدرنا الله عليها وتقبل احترامي. |
بيض الله وجهك ابو عبدالمحسن وجزاك الله خير
|
الله لا يهينك ياذيبان
دائما طرحك مميز لا تبخل بما عندك ولك تحياتي |
تفعل فعل عنتر وفعل المهلهل= والفرق واضح بين الأعمي والأحول= |
أرحبووو
الغالين : ناصر العمور ، المسعري ، أبو زيد الغييثي أشكركم جميعاً على الرد الطيب ومروركم الكريم ودمتم بعافية،وتقبلوا احترامي |
.
. . أخوي أبو عبدالمحسن المسعري الله لايهينك ياولد العم على هالطرح وصح الله لسان الشّعار يعطيك العافيه يالغااااااااالي . . . ولد الشيـــــــــــــــوخ |
أرحب يابندر .....
[font=Simplified Arabic]
أرحب يابن العم ياولد الشيووووخ وأسعدني مرورك وتعليقك على المشاركة ودمت سالم وغانم يالغااااالي. [/font] |
الساعة الآن 11:17 AM
 |
Powered by vBulletin® Copyright ©2000 - 2025, Jelsoft Enterprises Ltd.
---