|
ياشباب ابغى الفزعه
لدي ناقه مريضه في نفس الزور مفتوح وينزف دم وش الحل تعبت من كثر العلاجات من عنده حل ياشباب:confused: :confused:
|
رد: ياشباب ابغى الفزعه
جمس 888 في الاول الله يبارك لك في حلالك ومالك واتمنى الربع يفيدونك وتلقى العلاج |
رد: ياشباب ابغى الفزعه
|
رد: ياشباب ابغى الفزعه
بيض الله وجهك اخوي راشد المسعري ماقصرت وصلت الرساله الله يكتبلك الاجر
|
رد: ياشباب ابغى الفزعه
بيض الله وجهك اخوي راشد المسعري ماقصرت وصلت الرساله الله يكتبلك الاجر...... والاخ محمد ماقصرت الله يجزاك خيراشكر الجمبع............
|
رد: ياشباب ابغى الفزعه
الله يشفي ناقتك من كل شر
ويبارك لك في حلالك ومن ناحيت المرض اللي قلته لابد يراه واحد متخصص وقد مرت عليه هذه الحاله لانها واجد اللي يجي في الناقه وينزف فيه الدم مثل الخاروجه والقرع الخ.... وبعظها بأذن الله يشفيه الدهن مع الملح ويكون الدهن دافئ ولابد فركها بقوه اذا كانت قرع حتى يطلع الدم ولا مراح تشفى... ولو تنزل المشكله بالصوره كان يمكن تحصل اللي يفيدك مني او من غيري تحياااااااااااااااتي |
رد: ياشباب ابغى الفزعه
اخوي فهد بيض الله وجهك ماقصرت ولاكن المرض بنفس الزور مفتوح جبت اطبا بيطريين وخذ من الادويه والابر ولا نفع لها فتره طويله وذكر لي ناس يكون في الجنادريه وديت الناقه لهم كو ولاكن مانفع كل يوم نعقم الجرح بماء وملح وديتول لكي ماينزف والناقه طيبه بالحيل دوسريه الاصل وزين الانتاج
|
رد: ياشباب ابغى الفزعه
اخوي جمس 888
ارحب والله يبارك لك فيك وفي حلالك وبالنسبة للناقه شفاها الله فاقووولك لو تاخذ زيت زيتووون وماء وتقراء عليه كان افضل و أفيد فما تدري عيووون المشفح ماخلت شيء وبالمناسبة ,,, كنت قالط على رجال قبل ايام من مشايخ الدين من قبيلة الدواسر وعنده ناقة مجهم طيييبه ... واصقعوها بذيك العين ..... خذت لها يومين ما كلت شيء .. حتى اغرزت وأخذت انا وياه ماء و جلس يقراء عليه الرقيه الشرعيه ولم خلص من القرايه فجيناها وشربناها ماء ورشينا عليها الماااء فقامة من مبركها في حزتها وراحت للحوض تاكل من البرسييم فالله يشفي ناقتك ويبارك فيها وياليت تحط لنا صورة الجرح . تحياتي |
رد: ياشباب ابغى الفزعه
اخوي عبدالرحمن الشرافي الله يجزاك خير العين حق الله يكفينا شر من فيه شر ابشر انشاء الله اروح للاحلالاحول اصور لكم الناقه والجرح الي ينزف دم اشكرجميع من ساهم في هذا الموضوع بالاراء الطيبه والقيمه من كل قلبي
|
رد: ياشباب ابغى الفزعه
الله يشفيها :)
يعطيكم العافيه جميعا دمتم بوود |
رد: ياشباب ابغى الفزعه
بنت الشايب اشكرك علا مداخلتك وكلامك الطيب........ الله يعافيك ومن يقول....والجميع
|
الساعة الآن 02:42 PM
 |
Powered by vBulletin® Copyright ©2000 - 2025, Jelsoft Enterprises Ltd.
---