السلام عليكم ورحمة الله وبركاته

جرت بين عبيد بن حويل من الخييلات الدواسر وجاره دحيم بن برمان من ال عزه من

من قبيله سبيع اهل الحائر كانوا الاثنان جيران بالبر وقدر الله ان ولد الدوسري قتل ولد

السبيعي فجاء الولد الي والده الدوسري وقال ياوالدي انا قتلت ولد جارنا وكان دحيم

السبيعي مسير على عرب بعيدين عنهم فلما اقبل السبيعي قابله عبيد الدوسري

وقد وضع في رقبة ولده حبل . قال دحيم السبيعي مابك ياعبيد قال : فالح ذبح ابنك

صالح وهذا ولدي اذبحه : بدلأ من صالح قال السبيعي: الذي مات ولدي والحي ولدي

وقام على جاره الدوسري وقبل رأسه قال :ابشر ببنك وانحنى على الولد وقبله وقال:

ابشر بأمك ، وستمرت جيرتهم وتبادلهم الجميل والمعروف وصلة الصداقه وبهذه

المناسبه قال عبيد بن حويل الدوسري ابيات ثنى على جاره دحيم بن برمان السبيعي

الذي تنازل عن دية ابنه

ياراكب هجن مراديم وسمان = عيرات الانضاء مايرقع حفاها
يا راكبين الهجن نصوهن عمان = ومرو ا على رفحا وروحوا وراها
في كل ديره جددوا لأبن برمان = قصر من البيضا رفيع ابناها
ثم اجنبوا من عندكم يم نجران = دار المذاكر دوجوا في اقرها
حطوا له البيضا على راس مابان = راعي الفعول الي طري نباها
ومرو على الخرمه وحطو به اعلان = اعلام بيضا كل من جا قراها
ونصوهن الحائر عسى دربكم زان = ديرة سبيع امتيهين اقصراها
وابنو بدار سبيع بيضا لها شان = من مر ديرتهم يشوقه ابناها
يالله عسى ديرة دحيم بن برمان = لاجا سحاب الوسم يسقي جباها
اللي عطى جاره عطا مابعد كان = يبغي الجزاء من عندرافع سماها
ماهيب لاغرس ولابل ولاضان = ولاعطا دنيا ايدور جزاها
يبغي العلوم الطيبه مثل ماكان = قصيرته عطيت ولدها وجاها
يافاعل الحسنا جزاك الله احسان = فعلت لك حسنا على الله جزاها

اللي عطى جاره عطا مابعد كان = يبغي الجزاء من عندرافع سماها
ماهيب لاغرس ولابل ولاضان = ولاعطا دنيا ايدور جزاها
يبغي العلوم الطيبه مثل ماكان = قصيرته عطيت ولدها وجاها
يافاعل الحسنا جزاك الله احسان = فعلت لك حسنا على الله جزاها

سجل اعجابي بنقلتك