|
(الكرامه) أقرب شاعر يقلط
سلامي سلامن فيه خير و سلامه= وكلن على ما قيل يعرف خراجه اشوف المرض ينهش بجسم الكرامه= وفيها تغلغل ما لقينا علاجه |
رد: (الكرامه) أقرب شاعر يقلط
اقتباس:
خلوووووووووها::
الامرحبا واللي يسلم علامه = اشوفه شريطي دايجن في حراجه نبا نجعل فــي راس النوايف علامه = لجل ساري الغدرى ما يطفي سراجه |
رد: (الكرامه) أقرب شاعر يقلط
يدوم البقا واللي يسلم نظامه = على العز مايبغى من الناس حاجه لا تعجل على المقسوم وافهم كلامه= ترى الذيب عود سارحن مع نعاجه |
رد: (الكرامه) أقرب شاعر يقلط
اقتباس:
خلوووووووووووووها::
اشوفه فشل في نجد ثم جاء تهامه = وعسى الله يجنبنا مدود الخواجه واظن الشهامه مابقا به شهامه = لكن الله يحفظ البهم في سياجه |
رد: (الكرامه) أقرب شاعر يقلط
الاخ الفاضل والشاعر المبدع بعيد الهقاوي
يوم ان كتبت ردي السابق كنت انت متصل وانتظرت بعدها ساعتين ولم يأت رد وانا اشوفك باقي متصل فقررت أني لن أكمل هذه المحاورة وغبت أنا بعدها الى الآن فأرى ان ما في جدوى من المحاورة المتقطعة هذي وأتمنى أن تحدد يوم ووقت تكون فيه متواجد نلعب على معنى الطاروق اللي تجاهلت فيه ابياتي اللي اتحداك ان مافيها خلل الا اذا كان بابياتك خلل وانا شاعر فصحى ومستعد اوزنها حرف حرف واقطعها تفعيلة تفعيلة وتطلع نفسها لكن .................. موعدنا القادم واختم معك
محله محل الطيب شرقه و شامه= مواصل ماهمه بالردي واحتجاجه لو الذل في الامه , علينا الملامه= رقدنا ونرجي ليلنا وانفراجه |
رد: (الكرامه) أقرب شاعر يقلط
مرحبتين اخوووي ثابت وحياك الله
واذا كنت شاك في تواجدي فالساعه اللي حددت يمكنك الدخول على الملف الشخصي وتشوف اخر نشاط حتى تتاكد انا على الجهاز والا لا وعذراً انا طالع الان وراجع بعد نصف ساعه وفي انتظارك تحياتي |
رد: (الكرامه) أقرب شاعر يقلط
الله يعطيكم الف عافيه جميعاً
دمتم بوود |
رد: (الكرامه) أقرب شاعر يقلط
ابن العم / ثابت الودعاني
اذا انت متاكد من ردك على المحاورة السابقه فاتمنى منك قراءت رد الشاعر/ مطلق المخاريم اللذي رديت انا عليه والمقارنه بين رد مطلق وردك تحياتي |
رد: (الكرامه) أقرب شاعر يقلط
انا منتظرك في اي وقت
لنلعب محاورة مباااااااااشره فانتظار ردك |
رد: (الكرامه) أقرب شاعر يقلط
يعطيك العافيه ثابت الودعاني ويسلمك ربي بعيد الهقاوي ليش ماتبين مكان الخطاء في البيتين ؟؟ او يحكم لكم شاعر فذ وعلى درايه ويكون حكمه الفاصل !! ويسلم راسكم وبنانكم ويقويكم الله على طاعته |
الساعة الآن 07:29 AM
 |
Powered by vBulletin® Copyright ©2000 - 2025, Jelsoft Enterprises Ltd.
---