انا لا اخطا رفيقي احتمل واصبر على عجفاه=لعل يتنبه في مقابيله ويسحبـــــها
اعذره دامني خابر طبوعه وعارف مبداه=واعديها لو انه ماكن في الصدر مضربها
حلاة الرجل مع ربعه صبور مايجيب اقصاه=سوى لاعودت عند الحقوق وعند واجبها
مانيب اللي ليا من كبرت الدعوى تضيع ارياه=اعرف المقديـــه والمخطيــــه وادرا عواقبــــها
مناهيج الصداقة دربها عسر لمن يبغاه=تبي رجل ليا انفلتت حبال الحق يقضبــــــها
وانا هالدرب جربته مابين رجال وبين اشباه=وعطتني دنيتي درس اعتبره اقسا تجاربها
اخاوي الرجل بمزراق وفا واليا اختلف ممشاه=ادلّه وان غوى اطوي على القصة وصاحبها
مانيب اللي يدق بخوة الرجال لاخاواه=ولانيب الذي لا اقفا من الاصحاب خربها
احبس السر في صدري واقول اني لزوم انساه=واعده مثل كبوات مضت مانيب احسبها
كثير اللي عرفت وكل رجل تقلطه يمناه=وانا والحمد لله هقوتي في الطيب اكسبها
رفيقي لافهمني قلت ياجعل الردي يفداه=وانا ذخره ليا من صكت ظروفه حواجبها
اقدر من يقدرني ويلقاني مثل ما القاه=واجلّس كل لحيه في المكان اللي يناسبها
وكلمة والنعم لو هي تناقلها كثير افواه=لو انها بتحكي ماكل من قيلت له اعجبها
ويبقا الطيب هاجس كل رجل ومن يبي مرقاه=يحث النفس ويسوق القدم يمه ويتعبها
اعرف اللي يسد اللازم واذا احتجت له انصاه = وكثيرين الحكي هذارة المجلس اجنبها
احشم الطيب ولو من فقره شكا مخباه= ولا اسمع هرج طراد العلوم اللي يقلبها
وانا شاعرعلى الشـم النوايـف وارد معنـاه= بحور الشعر لامني طرقـت اسهـل اصعبهـا
ولا اتبع خطـوة الشيطـان لامنـا ولامنـاه=اهذب ماخفـا فالنفـس وعيـن الله اراقبهـا
كلام ماذكرته لاجل ينشـر لـي هنـا واهنـاه=ولكـن المواقـف تجبـر الرجـال يكتبـهـا

انا لا اخطا رفيقي احتمل واصبر على عجفاه=لعل يتنبه في مقابيله ويسحبـــــها
اعذره دامني خابر طبوعه وعارف مبداه=واعديها لو انه ماكن في الصدر مضربها

رفيقي لافهمني قلت ياجعل الردي يفداه=وانا ذخره ليا من صكت ظروفه حواجبها
اقدر من يقدرني ويلقاني مثل ما القاه=واجلّس كل لحيه في المكان اللي يناسبها
وكلمة والنعم لو هي تناقلها كثير افواه=لو انها بتحكي ماكل من قيلت له اعجبها
ويبقا الطيب هاجس كل رجل ومن يبي مرقاه=يحث النفس ويسوق القدم يمه ويتعبها
اعرف اللي يسد اللازم واذا احتجت له انصاه = وكثيرين الحكي هذارة المجلس اجنبها
احشم الطيب ولو من فقره شكا مخباه= ولا اسمع هرج طراد العلوم اللي يقلبها