بإسم الكويت وشعبها وين ماكان=شعب الأصاله وللكرامه شعبنا
يامرحبا يابوش من قلب ولسان=طيبك ومعروفك لشخصك جذبنا
يابوش أحيي فيك قايد وفهمان=شجاعة الموقف وحزمك عجبنا
يحق للديرة تضمك بالأحضان=وردَتنا صافي القراح وشربنا
من مجلس الأمة إلى قصر دسمان=تسمع صدى الترحيب من كل مبنا
تقدير لأفعالك وشكرٍ وعرفان=قايد عظيم بجانب إسمك كتبنا
في صفحة التاريخ مكتوب عنوان=والله يلولا بوش حنا ذهبنا
عاداتنا يابوش من عبر الأزمان=رد الجمايل والله اللي وهبنا
إنجازي الأحسان حنا بالأحسان=بالطيب والمعروف محدٍ غلبنا
يابوش مأسمك بوش إسمك كحيلان=البوش والله والتخاذل عربنا
يابوش ماقصَرت ياذرب الأيمان=عرَضت جيشك للهلاك بسببنا
ياجورج بوشٍ ياذرى كل بلشان=ياطيب الوقفه لك المجد يبنا
تحقق التحرير في عزم وإيمان=بقيادتك يابوش خلَص نشبنا
عزمت أولف لي من الشعر قيفان=من جوهر الشعر إنتقينا وجبنا
وليا قصدنا نقول صحٍ وبرهان=وليا رمينا روس الأهداف صبنا
قول بن مزعل شب بالقلب نيران=وعزالله إنه في كلامه شذبنا
عضو الفشل علمه لكل الملا بان=وحنَا سمعنا غلطته وإغتربنا
خبلٍ يثور بندقه دون نيشان=اللي مدح بوشٍ وحنَا لسبنا
طلال مدحك بوش ظيعه ونقصان=ياليت منته من فصايل عربنا
ماتمدح آل سعود ذربين الأيمان=اللي لهم في قمة المجد مبنا
نسيت وقفات الفهد ياابن عثمان=يوم إعتزينا دونكم وإنتدبنا
وأنته بأشيقر ياأبن عثمان سكَان=تبكي وحنَا للصعاب إنتصبنا
ياما وقفنا وقفةٍ شانها شان=وياما على راس المعادي ضربنا
وياما خسرنا بالميادين شجعان=وياما خسرنا المال وأنتم سببنا
جيتو لنا بقلوبكم خف وإجنان=نسمع صدى صرخة نداكم وأجبنا
قمنا بعزم وجزم وإخلاص وإيمان=وبعروة الدين الحنيف إقتضبنا
يوم إختلط نار وقذايف ودخان=خضنا الحروب الطاحنه مآإرتهبنا
خضنا المعارك يوم زوغات الأذهان=ونزبَن اللي هاربٍ ماهربنا
يوم الفهد درعٍ حصينٍ للأوطان=وجاب التحالف كلها في طلبنا
عنكم رفعنا ظلم ظالم وطغيان=وقمنا بوجه الطاغيه مآأنسحبنا
وجازيتو المعروف صدَه ونكران=ماكنَنا معكم وفينا وطبنا
من ينكر المعروف والفضل حيوان=برتوْ وللي بايرٍ ماحسبنا
لولا أخو نوره مانفعوك المريكان=جاك العرق وزوَد الغبن غبنا
هذا الفهد رجل المواقف بليهان=اللي يشيل حمولنا لو تعبنا
إبن الزعيم اللي قطع راس عجلان=وعز البلاد وذل منهو حربنا
ويعيش عبدالله لنا طير حوران=من هيبته جض العدو ماقربنا
لاهان عبدالله ولاهان سلطان=زحول الرجال اللي تفرج إكربنا
حنا سعوديين بالفعل شجعان=نصفي مع الصافي وسمٍ غضبنا
وحنا سعوديين لو كان ماكان=بالمعركه نكسب ولاأحدٍ كسبنا
وحنا الرجال أهل الوفاء سر وإعلان=وحنا الرجال اللي عريبٍ نسبنا
وليا تلاقى الجمع في كل ميدان=نشب نار وروس الأعداء حطبنا

المشاركة الأصلية كتبت بواسطة تركي الودعاني صح السان محمد بن باني بن مدعث المخاريم الدوسري والسانك يادغش وعزالله انه رد عليه ويستاهل طلال جعل يمناك مايجيه العطب ياكحيلان اعلومك كلها غانمه

المشاركة الأصلية كتبت بواسطة الواضح الأخ دغش البطي الله لايهينك على إيراد القصة وقصيدتها وعز الله إن المخيريمي اسكته

المشاركة الأصلية كتبت بواسطة العماني صح الله لسان المخريمي وبيض الله وجهك اخوي دغش على ايراد القصيده تقبل تحياتي،

المشاركة الأصلية كتبت بواسطة لشيب صح السان محمد بن باني بن مدعث المخاريم الدوسري والسانك يادغش البطي. و الله لايهينك على إيراد القصة وقصيدتها . وبيض الله وجهك وجعل من جابك فى الجنة. ...............اخوك لشّــــــــــــــيب...............

المشاركة الأصلية كتبت بواسطة بليهي الودعاني أخوي دغش ليتك تصحح الجملة (عضو مجلس الأمة الكويتي الشاعر طلال عثمان السعيد ) ليتك تردفها عضو مجلس الأمة الكويتي السابق لأنه سقط في الأنتخابات إلي فاتت وطلع بوووووش.. وعلى كل حال هذه من أسوأ قصائده ومخالفتها لشرع والعرف والصدق واضح وبين لكن أنا مع إبن عمي قلباً وقالباً ليس تعصباً فقط بل لأنه قال الحق وأظهر الصدق فلا أخرس الله لسانه ولا شل أركانه وبارك الله فيه.

وحنا سعودييـن لـو كـان ماكـان=بالمعركه نكسـب ولاأحـدٍ كسبنـا
وحنا الرجال أهل الوفاء سر وإعلان=وحنا الرجال اللـي عريـبٍ نسبنـا