|
سعد بن جدلان ونايف بن مسرع وحال الشعر!!!!
تحية طيبة لكل أعضاء وزوار ومرتادي هذا المنتدى الجميل: وبعد
يسرني أن أضع بين أيديكم قصيدتين عبارة عن (صوت) و (صدى) جرت قبل أعوام بين كل من الشاعر (سعد بن جدلان الأكلبي) وأحد شعراء هذا المنتدى (نايف بن مسرع) وكان البادي هو الشاعر سعد بن جدلان واصفاً حالة الشعر وما يمر به في الوقت الحاضر من تشبث أناس به وهم لايفهمون أبجدياته ، وقد نُشرت القصيدتان في بعض الصحف المحلية ومنها على وجه الخصوص صفحة ( خزامى الصحاري ) بجريدة الرياض ، فإليكم الصوت والصدى ، راجياً أن تنال رضاكم:
ياهل القصيد مراسلين الجرايد=تكفون صونوا كلمة الشعر تكفون خلوه يلقى من وراها فوايد=فيدوا وخلوا غيركم يستفيدون لاتعرضون انفوسكم للنقايد=الرابح اللي من غثا الناس مصيون إليا بغيتوا نادرات القصايد=أصغوا لشعار الادب وش يقولون أهل الادب والتجربة والركايد=أمثال مرشد والعطاوي وابن عون أفكارهم ما تنتج إلا فرايد=تقول بصدور الاوادم يويقون قلته وانا عنهم بعيد ونايد=ولاني بقايلها علشان يوحون ولاني براجي من وراها فوايد=لكن رجل يخفي النور ملعون وينك من أول يا صدوق الوعايد=يا شاعر(ن) ترسم على الطرس بفنون أشعلت في داخل فوادي وقايد=على الوتر تضرب وانا ارد بلحون قريت لك وسط (الخزامى) فرايد=فيها جرس وانذار للي يحسون ترى الشعر في نقص ماهوب زايد=مادام به ناس(ن) بساسه يحفرون ناس(ن) تباها به بوسط الجرايد=وكلٍ على ليلاه يشكي ومفتون الشعر ديوان الفعول الحمايد=ويذكر به اللي بالشجاعة يطرون ويشفق على ذكره رجال العوايد=قروم(ن) على جزال المعاني يغارون ويازين من بين النشامى شرايد=فيها عشاشيق الجوازي يغنون وهذي نصيحة ياهواة القصايد=لازم على بيوت السديري تمرون قلته وانا ياهل (الخزامى) محايد=وفي واجبي شاركت وانتوا تحكمون |
أبو عبد المحسن المسعري
الله لايهينك على النقل والإختيار المتميز وصح الله لسان الشّعار |
أبو عبد المحسن المسعري
بيض الله وجهك علي النقل وصح السانك والسان الشعراء |
أبو عبد المحسن المسعري لاهنت وبيض الله وجهك يالقرم على نقل هذه الدرر من شاعرين بارعين سعد بن جدلان الأكلبي ونايف بن مسرع لله درهما على هذه الثمينتين اللتان تحكيان واقع الشعر في الوقت التالي صح الله السنت الشعار وسلمت يمينك على النقل الرائع تحياتي العطره لك محب الجميع : دغش البطي |
...
الأحبة : الواضح دغش البطي تركي الودعاني أرحبوا جميعاً ويشرفني مروركم على المشاركة ودمتم بخير . |
صح الله لسان الشاعر الكبير سعد بن جدلان ولسان شاعر المنتدى نايف بن مسرع
وشكرا لك اخوي بومحسن على نشرها تقبل تحياتي،، |
Al-Omany
] العماني: أرررحب يابو مبارك ولا هنت على مرورك على المشاركة وعساك على القوة [/font]دايم يالذيب. ولك احترامي ،،،، |
بيض الله وجهك (أبوعبدالمحسن المسعري)
ألف ألف شكر أخوي الرائع (أبوعبدالمحسن المسعري) على نقل هاتين الرائعتين ، وصح لسان الشاعرين الكبيرين (ابن جدلان وابن مسرع) ، أتمنى تتحفنا بما هو جديد لديك من قصائد الإخوانيات المماثلة. وتقبل شكري ،، |
....
الأخ الغالي / ابو زايد التغلبي أرحب يالذيب ولا شكر على واجب ، وإن شاء الله ما نقصر في ما يفيد رواد هذا الصرح الشامخ ودمت ذخراً يالغالي
|
....
الأخ الغالي / ابو زايد التغلبي أرحب يالذيب ولا شكر على واجب ، وإن شاء الله ما نقصر في ما يفيد رواد هذا الصرح الشامخ ودمت ذخراً يالغالي[/font]
|
مشكور أخوي أبو عبدالمحسن المسعري..
لاهنت وبيض الله وجهك على جهدك ، وشكراً على مجاملتك اللطيفة... ولكن!!!! تراني يمكن أنسحب من المنتدى ، لأني أشوف ما عاد لمشاركاتي داعي مادام أبو عبدالمحسن المسعري ، واللي شرواه موجودين ههههههه. أشكرك مرة ثانية ، ولاتصدق الكلام اللي فوق ترى كل القصايد على حسابك أنت وجميع من له علاقة بالمنتدى.................... ولك كل التقدير،،، ((أخوك نايف ابن مسرع)) |
لاهنت يالمسعري على ذكر كل من العملاقين,,
سعــــد بن جدلان بن سابر السعدي الاكلبي ونايف بن مسرع الدوسري |
أررررررررحبوا
نايف بن مسرع " الشامخ " : اررررحب وتسلم على الكلام الطيب اللي ذكرت وعساك سالم ، ماراح تقصر إن شاء الله في مايفيد هذا الصرح الشامخ .
|
أررررحب يالدهمش
الغالي / الدهمش مرحبا بك أخو وعزيز وغالي واشكرك على مرورك و تعليقك على المشاركة وعساك ذخر يالغالي.
|
صحت ألسنتهم
وقصيدة ابن جدلان هذي موجودة في ديوانه وقد جاراها عدد كثير من الشعارمن ضمنهم العطاوي وبن عون اللي مذكورين في القصيدة وأشاد بهم الشاعر ابن جدلان بس يبقى سوال هل تربط بين الشاعرين ابن جدلان وابن مسرع علاقة معرفة ؟؟ أم أنها فقط علاقة الشعر والإبداع؟؟ خالص تحياتي وتقديري |
الساعة الآن 09:59 AM
 |
Powered by vBulletin® Copyright ©2000 - 2025, Jelsoft Enterprises Ltd.
---