بسم الله الرحمن الرحيم


هذا طول الله اعماركم فيه شايب تزوج مره بكر المهم الشايب بعد ما تزوج بليلة توفى


وبعدها بكم يوم تقدم للبنت رجال شباب (ترى هذولا بدو زمان ايام الجهل ) المهم


يعني ما عندهم عده ولا يحزنون



بعد كم شهر البنت حملت وجابت ولد يوم كبر الولد جماعت الشايب قالوا هذا ولدنا

يشبه ابوه وجماعت الشاب يقولون لا هذا ولدنا المهم

قالوا نروح لفلان يحكملنا وهذا الحاكم من قبيله ثانيه المهم يوم قلطو عنده ((ياهلا ويا مرحبا))


وعلموه السالفه


قال ايييييييه اصبرو اصبروا علي يومين واحكم بينكم بعد يومين الا وهم جالسين الرجاجيل


في المجلس والحاكم قال يا ولد (اللي ما يندرا من هو ولده)

قم وابيك تاخذ وحدة من هاك الغنم واسمع ترى بنتي ترعاهم انتبه لا تشوفك


قال الولد ابشر


وراح الولد وجاب خروف وجاء


الا شوي والبنت تصوت لبوها يا يبه يا يبه الغنم ناقصه غنمه


قال ما تدرين منهو يا بنتي قالت لا قال ولا شفتي اثره قالت الاشفت


قال وش تقولين فيه

قالت : ولد بتر ماطاه فتر ابوه شايب وامه بكر


ـــــــــــــــــــــــــــــــــــــــــــــــــــــــــــــــــــــــــــــــــــــــــــــ

تراها من سباحين شيبانا والله ماتدري صدقها من كذبها