خبر عاجل على (كونا) وعاجل في وكالة (واس)=اببدي شيٍ بقلبي اهجوسٍ تقتفيها اهجوس
انا خاويت لي خبرة ارجالٍ يرفعون الراس=ارجالٍ لاذكرت اني امخاويهم بريت القوس
على وضح النقا خوة نشامىٍ مابها بلاس=مطانيخٍ بهم يضرب مثل وتستفاد ادروس
هذا (سبيعي) وذا (عجمي) مراجلهم لنا نوماس=وذا (يامي) و (قحطاني)اكرام وطيبين انفوس
وذا (منصوري) و (مري) مقاديمٍ بوقت الباس=وذا (مطيري) وذا (عتيبي) بهم طيب العرب مغروس
وهذا من (بني وايل)(عنوزٍ) طيبين الساس=لهم تاريخٍ ايشرف لهم ذي قار والبسوس
وذا (تميمي) و (حربي) على عرش الكرم جلاس=وهذا من (بني خالد) لهم تاج الفخر ملبوس
وانا من لابةٍ تفخر بخوتهم جميع الناس=(دواسر) عندنا الخوه ملازيم وطناخة روس
انا (فيصل) وريث الشعر انا ببحوره الغطاس=وانا شاعر ولي جمهورٍ اصبح في الشعر مهووس
انا لامن كتبت الشعر اخلي متابعه يحتاس=ويطرب من كلماتي يقوم ويلعب المنكوس

يشرفني حضوري أول اللافين دون الناس = على أبيات الجزاله من ضمير في الهوى محبوس
يسطرها لنا فيصل وحنا نقول له لاباس = كريم والكرم ثوبه وثوبه بالكرم ملبوس
طيورالطيب طارت بالخبر راحت على مكناس = وحنا من ورها نلعب العرضه مع المنكوس
خذيت الجايزه والجايزه ماهي بدرع وكاس = كسبت الحب بقلوب تحب العز والناموس
تحياتي إذا جاء للتحيه ياولد نوماس =على أصل وفصل وفيصل وريّس مع مريوس

شـاقـني قـول شـاعر أعـتـلا الـقـرنـاس=
مـعانـي شـعـره مـن صـميم النبت مغروس=
والمعدن ذهـب أصـلي ماهو مصنع ولا نحاس=
أنا أشـهـد الخبـر عـاجل في وكالة واس=