يا سابقي حبك مقيم على ساس =أمولع في حبك القلب توليع
حلفت لو ساموك بفلوس عباس =أني شفيع فيك لا أصخى ولا أبيع
ولا دخل قلبي من البيع هوجاس =وأن زودوا لي بالثمن قلت ما أطيع
ياما حلا لا شلت الذيل والراس =مثل المهاة اللي تهاب المتاييع

وأمهرتي وأنا عليها شفاوي =ان قيل ياهل الخيل تطري عليه
ماني معودها لكسب الشواوي =ولا رددت فرق البقر بالزوية
أبرها لمكسرين العزاوي =والحق عليها كل راعي ردية
يوم الملاقى تعترض بالأهاوي =الي تنادوا بينهم بالحميه

يقول ابن غلثم شرى له حصان =من ساس خيل طيبات عموقه
علمي بكثر الهم ساعة لفاني =زين مقاده سمح الله وفوقه
عريض ما يلحق عليه البطان =مربع الجمهات برص شدوقه
ذيله يشادي صايح في بيان =لا طالع الخلفات يبغي لحوقه

ربدان يازين الحلا والتواصيف=ياللي ذراعك كل ما اقبل طفوحي
اعطيك من در البكار المصاخيف=اعطيك ذخر البيت واضد روحـي
ابغي لامن قربوهن هـل الكيـف=نكسب عليك من الثنا والمدوحـي
ابغيك تبرى للبكـار المشاعيـف=لامن بـراق الوسامـي يلوحـي
لعيون من خده كما بارق الصيف=اللي من الحجار عيـت طموحـي

طرشتنـا لصبـر الخيعـي مطيّـه=وابغي اتنبا ويش علمـه وطاريـه
احـب (ربـدان ٍ ) يومـه غلـيّـه=مزيـنٍ طبعـه وربــي مسـويـه
راسه كما وصف العلق فـي يديّـه=وذيله يرادفني ليا صـرت محميـه
يارد على الدخّـان فـي كـل هيّـه=وصبره على الدخّان من صبر راعيه
يانفدى ياللي حـط عنـدّه ضحيّـه=غمـر شجـاع ٍ ماتونـي نعاويـه

يا سابقي باللون صفراً صهاتي= هديبها يسبق سناة المغيرة
السابق اللي مثل وصف المهاتي= ومن الفهد فيها حلايا وسيرة
الذيل مركوز بوسط القطاتي = والساق ناعور على جال بيره

حبنا للخيل يزداد ويزيد =وكل ما شفنا سباق الخيل زاد
حبها ما يعتبر شيء جديد =غارسين حبها وسط الفؤاد
ليا تذكرنا بماضينا المجيد =دور فرسان على قب الجياد
دور أبوبكر وعمر وابن الوليد =يمتطون الخيل في يوم الجهاد
وبعدهم أجدادنا شي أكيد =كم تبين فعلهم وقت الطراد
كم تخطى فعلهم بيدا وبيد =فوق عجلات يجوبون الرياد

وسابقي من ساس خيل عريبات = تفرح بها عيني ويفرح فؤادي
منها القوايم من لحمها عريات = والساق مثل الخيزران متقادي
يازينها لا جوا هل الخيل زافات = يازينها بالقفل غب الطرادي
تشدي فريد حاز من حس الاصوات = سناد بالحارك وزينه مقادي
مذمومه الدنيا تراها ام ليعات = لوزانت ايام وراها نفادي