القلب من ضيم الزمن يا فهد ضاق=وشلون أبسلى يا أبو فيصل وأروقي
همٍ بقلبي بين الأضلاع حراق=ما احتلتنا أكنّه ولا أكن شوقي
بين وبين الزين عهدٍ وميثاق=ومدري يصون العهد وألاّ يبوقي
كانه على خبري فلاهوب بوّاق=خابره لامن مر ذكري يتوقي
وأنا بعد لا مر طاريه توّاق=ما أحسب غيره في البلاد مخلوقي
لأن الغلا لامن دخل جوف الأعماق=يسوق راعي الحب للموت سوقي
شريت بكره ما تقيّد وتنساق=ولا سامها السوّام في كل سوقي
لاجيت أبوصفها يجي شعري ارهاق=كل القصيد بوصفها ما يلوقي
تطري علي لا شفت في الغيم برّاق=وتطري لا شفت الشمس وقت الشروقي
احبها من قلب عاشق ومشتاق= وانا عليها ضاميات عروقي
شريتها بأحساس شعري والأشواق=واهديتها قدام شعري خفوقي
شفّي غبوق يبّل يباس الارياق=واشوف غيري طامع في غبوقي
فياليت ربي ماخلق حب وفراق=عز الله انك يالسديري صدوقي
من اولا ريشي على الجو صفاق=واليوم حر وجودتني سبوقي
بأصبر لو ان الصبر ماعاد ينطاق=لعل خلي من منامه يفوقي

المشاركة الأصلية كتبت بواسطة ابو فهد الغييثي (المشاركة 345668) صح السان الشاعر والله يعطيك العافيه على طرح القصيده الجزله