|
وين الرجال اللي تسمى حلاحيل...ابو بداح
بسم الله الرحمن الرحيم
اهدي اليكم اخواني هذه القصيده الوعظيه للشاعر: نـــاصر بــــن بــــــــــداح الدوســـــــــــــري....(وشاعرنا من كبار السن اللذين ينتقدون بعض الشباب ممن اهملوا دينهم و عوايدهم وسلومهم) .... ويقول:
يالله ياللي تكسي الكون بالليل=الواحد المعبود مدرج فلكها يا منزل القران بالحق تنزيل=وياباسط سبع وسبع سمكها ويامسلط طير على راعي الفيل=وياسامع ذا النون باسفل دركها من فوق سبع ماتجيه المراسيل=واقرب من الوجنه لموخر حنكها في قرته شكت عقول مهابيل=ركب بها الشيطان تايه سككها ارزاقنا واجالنا والمحاصيل=تصريفها بيد رب ملكها ادعوه يالعباد لاطرف الليل= يهدي نفوس قربت من هلكها الله يعافينا ظهر شر هالجيل=خلى الفرايض والحدود انتهكها ناس تعرض للبلا والمحابيل=كثرة مذاهبها وكثرة شككها تحلق لحاهم من ملابس مشايبيل=ولا تميرز حصنها من رمكها وين الرجال اللي تسمى حلاحيل= ينهون من سنة نبيه تركها الله يعدلهم على الحق تعديل=محجة من طاب حظه سلكها |
الله يعافينا ظهر شر هالجيل=خلى الفرايض والحدود انتهكها ناس تعرض للبلا والمحابيل=كثرة مذاهبها وكثرة شككها صح لسان الشاعر نـاصر بـن بــداح الدوسري والله انها من اطيب القصايد و من اروعها وخاصه انها النصح ولا تخلو من الحكمه بن مشخص المسعري نقلت فابدعت تسلم يمناك وعسا الله يقويك ولا تحرمنا من ابداعاتك اخوك ابو عبد الله الشكري |
ابو عبد الله الشكري
بيض الله وجهك ياذيب (ست الركايب) وردك وتعيبقك الكريم يسعدني ياولد العم وانا من اكثر المتابعين لمواضيعك....... تقديري واحترامي |
ابن مشخص بيض الله وجهك علي القصيده الجزله وصح السان الشاعر والسانك يالسنافي
|
ابن مشخص بيض الله وجهك علي القصيده الجزله وصح السان الشاعر ناصر بن بداح قصيده فيها من النصح والحكمه مايجملها جمل الله حالك وطيب الله فالك تحياتي لك محب الجميع : دغش البطي |
دغش البطي
شاكر لك مرورد وتعيبقك الطيب ولاعدمنا هالتواصل الجميل بين ابناء لعم تحياتي |
ابن مشخص
بيض الله وجهك على القصيدة وصح لسان الشاعر على القصيدة اللي فيها نصح تحياتي لك |
السلام عليكم ورحمة الله وبركاته
كيف الحال المسعري لاهنت على القصيده بس عندي استفسار عن الشاعر ناصر بن بداح هل هو من المشاوية لاني شبهت على الأسم ولا هنت |
ˆ~*¤®§(*§*)§®¤*~ˆ°تركي الودعاني°ˆ~*¤®§(*§*)§®¤*~
ترا نسينا الرد ولا تاخذ بخاطرك ياذيب الله لايهينك وبيض الله وجهك على الرد الطيب مثل راعيه تحياتي |
|--*¨®¨*--|سالم الغريري|--*¨®¨*--|
ووجهك يالقرم شاكر لك مرور وتعقيبك لكريم يالغريري تقديري واحترامي |
مرحبا ومسهلا
حنا بخير يامال الخير وعن سؤالك عن الشاعر فأنا اعجبتني هالقصيده باحد اشرطة القصائد ونقلتها لكم اما نسب الشاعر فما عندي معلومات وبيض الله وجهك على مرورك ومشاركتنا ....... تقديري واحترامي |
وين الرجال اللي تسمى حلاحيل ينهون من سنة نبيـه تركهـا
الله يعدلهم على الحـق تعديـل محجة من طاب حظـه سلكهـا صح لسانك يبن مشخص وبيض الله وجهك على هالقصيده الطيبه تميز دائم يبو مشخص .......... |
ابن مشخص بيض الله وجهك
واشهد ان ابن ابداح شيخ الشعار وابياته لزمن تنكتب بالذهب |
الأخ العزيز / ابن مشخص
بيض الله وجهك على القصيدة وصح لسان الشاعر على القصيدة وتقبل تحياتي ،، |
إلــــى : ابن مشخص المسعري ،،،،،،،،،،،،،، مع خالص التحيات ،،،،،،،،،،،،،
لا هنت على القصيدة ،،، وصح لسان الشاعر نـاصر بـن بــداح الدوسري. |
الساعة الآن 01:35 PM
 |
Powered by vBulletin® Copyright ©2000 - 2025, Jelsoft Enterprises Ltd.
---