سلام من شاعر يغرف من البحر = ماهو كمااللي ينضحون من الغدير
انا من سليم ويحقلي افتخر =ومن لافتخر في ربعته مافيه خير
شاعر وامشيها على سطح القمر =واحقق الاول ولارضى بالأخير
شاعر ولا من خلف قصيدي سبر=واليابغيت اسير اللي مايسير
اسكر ليامن جاة حزاة السكر =واحيان لاعصبة ماطيع الشوير
والله لجيب البيرق اللي في قطر = وان كان ماجبته فانا ماني جرير
ياحيف والله كان ماذكرري ظهر=رغم انني متمكن وشاعر كبير
بجمع صلاة الظهر مع فرض العصر=يالله في حسن النهايه والمصير
ياشاطي الراحه انا ميت قهر=وانا مغير من الحساأل شاط العقير
واليازعلة الثوب عن ساقي شمر=والصدر يمديه انفجر لولا الزفير
ياللأسف طاحو باذالشعر الدشر=موروثنا اصبح من دشيراً في دشير
والشعر ماهو ملك لحداً محتكر =للنابغه وابن ربيعه وزهير
الشعر للشعار ماهو للغجر=وانا الدفاع انا الهجوم اناالظهير
اناالحكم والكبتن اللي لادهر=احكم ابياتي على سك الحرير
وابني من ابيات القصايد لي جسر=بيني وبين اعظم ملك واكبر وزير
اهندسه ومتره متر متر =من صوغ فكري لاسرقت ولا ستعير
واللي عليه القى قصيدي ينبهر =وايقول شعرك غير وانت انسان غير
لاكن فيني طبع ماحب النشر=ولاداني اظهر عبر اذاعات الاثير
والما مع الخضره مع الوجه السفر=بستانس الياشافها الطرف الظرير
وانا من الدنياء غدا شكلي غبر=والراس اشوفه لاحلي فيه النذير
اصبح حمر قلبي خضر وامسي غتر=والسيف مايحماه ياكود الجفير
امشي وانا كني على حر الجمر=وارقد على البيدا بلى فراش وسرير
غير انقهر لاشفت لي ضبي(ن) حور=لانني لازال انا عاشق خطير
الله على شوفتك يالظبي العفر =اليامتى ياناس ماعندي عشير
ابغى اتزوج بس ماعندي مهر= واللي ماعنده قرش مايشرب عصير
ولاني فقير بخير لله الشكر =مغنيني الرحمن انا بطهر ضمير
رصيدي اضعف اضعق اضعف من صفر =والظاهر انه اضعف من الزيرو كثير
ومحداً سمعته مات من قل الفقر=الموة مايعرف غني(ن) من فقير
لو الغني مايموت ويحط اب قبر =يمكن اسير احمد فتيحي والحكير
لاكن نهايت كل من مات الحفر =ياويل من خلد بقاعة زمهرير
والخافيات أعظم وأدها وأمر =واعوذ بك من شر منكر وانكير
يارب وجهي حرمه على سقر=واجمعني بطلحه وموسي بن نصير
الوقت علمني دروس(ن) مع عبر=وذقت طعم الحلو والصبر المرير
اكاد’ اجزم انني شاعر مضر = واني على ذالك لكفواً واجدير
انا على كل الشعر ظابط خفر =والى يعارضني تحت أمري خفير
مولم بالأنساب واكل السير =واشيل حمل ماقواه اقوى بعير
انا الجمل زومان لامنه هدر =اللي يناطحني ترى أصرف له يدير
جيبو خبر ودو خبر وخذو خبر =وانا جمل واحمل حمل واهدر هدير
يوم ان دنماركا تدلل فالبقر =ماندلل الا البل وساع المناخير
عوج الرقاب الشهل والصفر والشقر=سود البكار الطيبات المعاشير
قد افلح المومن واخاب اللي كفر=ون انكر الاصواة لاصوة الحمير
يامملكتنا اهل الكرم واهل الشعر=حنا هلا الوقفات فاليوم العسير
وحنا القروم اللي على مر الدهر =واليا بغينا حاجة (ن) مانستخير
واللي يراهنا على الفوز يخسر =وايضيع الشهره ولو انه شهير
شجعان والشجعان ماتخشى الخطر=واللي بلا جنحان مايقدر يطير
وشعب السعوديه يشرفني فخر =يستاهل التبجيل والمدح الكثير
لأننا وقت الشدايد كالمطر=نحمل شعار الدين والخيرالوفير
مثل المطر على العباد اليا نهمر= وغنينا مصخره ربي للفقير
واحضوضنا دايم تكسر لصخر=من فضل رب الكون خلاق(ن) بصير
وختامها المتكسره تجبر جبر=واللي ماتجبر عظمها يبطي كسير
صلو على شفيعنا يوم الحشـر=اللي بعث بالدين هادي ونذيـر
ورض اللهم عن عمر وبي بكر=وعثمان وعلي وعن ابن الزبير