::: مـنتدى قبيلـة الـدواسـر الـرسمي ::: - الشــــــــــــــــ خمس قصائد في ـــــــــــــــــــــاص

قصائد منوعه في جيب الشاص

ارجو ان تعجب الجميع

ياغانم أشتر من جديـد المواطيـر=شاصاً على كيف الغريب الخـلاوي
لونه مع الأصباح كنـه نحـر طيـر=ولونه مع أتلا الليل نجـم سمـاوي
خطه مع الجنبين ياهيـه مـا غيـر=شفة هنوف من سقا التـوت راوي
أليا مشا كنـه ولـد شيـخ امغيـر=مصطور صفقه صفق سيل النحاوي
ولافز تسمعله مـع القـاع تصفيـر=صر السواني فـوق بيـر قصـاوي
ولاوقف ماله من الوصف تصويـر=ألا كمـا وصـف العديـم النـداوي
صوت كفراته لونسة شلعت القيـر=كنه أعوا ذيب من الجـوع طـاوي
وجلد التواير يجلـد الحيـد والعيـر=رعاد مـزن والبـرد منـه هـاوي
وحس المكينه لااستوت فزة السيـر=حس الهنوف المترفـي السحـاوي
ورفارف يشقابهـا الفكـر ويحيـر=كنـه ردايـف لا بسـاة الغطـاوي
لـه مقـدم كنـه يقـود الطوابيـر=أو مثل قبـع العسكـري الفـداوي
ماخذبه أعيـال الجحلـط مشاويـر=ولا حملوا حوضه بجـحٍ حسـاوي
ما ساقـه ألا محتميـن المعاشيـر=أهل العـزاوي مخلفيـن الهقـاوي
هو علة ألـي مابراسـه صعاطيـر=وهو طب من يونس على الكبد لاوي
هو منوة أقلوب الزحـول المناعيـر=لكـم دونـه يقصـرن المـنـاوي
يازيـن فوقـه لمشينابـه اعصيـر=مع خايع مـاداج فيهـا الشـواوي
وسهيل بان وطلعتـه مقـدم الخيـر=نجم مع الغيـث المغيـث أمتخـاوي
والوسم جاله مع أدخولـه تباشيـر=وذكر الحياء جتله أعلوم وحـراوي
يـا الله بهمـال بصـوب المزابيـر=نون سنا برقه مع الغـرب ضـاوي
يسقي الديـار الممحـلاة المداهيـر=ألـي ثراهـا فوقهـا العـود ذاوي
وبل وصوته لسقـا القـاع تكبيـر=شهرين والما حاير فـي المحـاوي
حتى غداء روس الزبيدي مشاهيـر=فوق الثراء يعمي العيون ويـداوي
كنـه أنهـود قطـعـن الأزاريــر=يضيـع معهـن مدعيـن الفتـاوي
قفـر تعانقبـه أغصـون النواويـر=الريح طيب ولـأم سالـم غنـاوي
والروض بطرافـه تحـن المغاتيـر=وحيرانهـن يبرلهـن بالخـطـاوي
وقفة فحلهـن بينهـن كنـه النيـر=ولا عقـيـد دون داره حـمـاوي
ذي جنـة الدنيـا والأيـام تعبيـر=ولا زينهـا ألا مقتفيهـا بــلاوي
لو مانسج الرجل في الخبة ونسيـر=معـاد نلقـا للونـاسـه حــراوي
أقنـوص والارايحـيـن مسايـيـر=صوب الرجال أمزبنيـن الجـلاوي
ربع لهم حشمـه وقيمـه وتقديـر=مجلاسهم ماهوب مجلـس قهـاوي
العـود الأزرق والـدلال المباهيـر=ودثر الشحم فوق الصحون أمتساوي
دواسـر يـوم الحرايـب بواتـيـر=ويوم الرخا حبـلً متيـن رهـاوي
أصغارهم يثنـون عنـد المضاهيـر=ستر العـذارا والدبـش والعـزاوي
وكبارهم مثل الوحـوش الهواميـر=أسيوفهم بيـن النحـر والكـلاوي
وباقي القبايل نعم من غير تقصيـر=وكلً ًعلـى فعلـه يعـد الحكـاوي
غير النشاما ما يبي القلـب تدويـر=في شوفهم يسلا العليـل الشقـاوي
أسـج معهـم والليالـي مقـاديـر=والعمر مـره يالخفـوق السنـاوي
وش خانة الدنيـا وجمـع الدنانيـر=وحنا علينا نـازع الـروح نـاوي

يالعنبوه الشاص الالفيـن iiواثنيـن=عـزالله ان المبدعيـن iiأبدعـوبـه
تساعدوا في صنعه أطلق iiخبيريـن=باشـراف عالـم مبتـداه iiابتدوبـه
برافسـور مختـرع لـه iiبراهيـن=فعله حصانه عن خطـاه iiورسوبـه
حصل شهاده علم مع خبره iiسنيـن=وله جايزه نوبل زمـان iiمحسوبـه
من عائلـه باالعلـم دايـم ملميـن=تاريخهـم باالعـلـم iiتوارثـوبـه
أبـوه يابانـي سياسـي iiقوانيـن=في دولته يصـدر نظـام iiالعقوبـه
ولأم نـازيـة موالـيـد iiبرلـيـن=وخوال خاله من مواريـث iiكوبـه
صحيح ناقص لأن ماهو على الدين=عالـم وعلمـه مايكفـر iiذنـوبـه
أما اختراعاته عللا الراس iiوالعيـن=يشكرعلى أفكـاره ودقـه iiاسلوبـه
اصخر بصنع الجيب من قبل iiعامين=باالسـر حتـى دولتـه iiمادروبـه
لين انتجه وانتاجه ازين من iiالزين=رغـم اختـراع الغـرب iiتفاجؤبـه
من جودته له باالصحافه iiعناويـن=باالسوق ربح كـل مـن iiتاجروبـه
رجـح موازيـن وهبـط iiموازيـن=كل الدول باالبورصـه iiساهموبـه
لاندكروزر اللـي تعشقـه iiملاييـن=قبـل يجـي للشـرق iiتباشروبـه
من دولته جابـه وكيلـه iiبتأميـن=لدولـه آل سعـود ملفـاه iiدوبـه
آباصفه كله مـن يسـار iiويميـن=لو ان في وصفه عليـه iiصعوبـه
بين كما ابو الهول مبنى iiالفراعيـن=كله حجـر مابـه حديـد iiوطوبـه
وبين المواتر سكبته تجلـي البيـن=سكبه زعيم ومحتفل فـي iiخطوبـه
واللون بيج وبويتـه مـن iiبلاتيـن=ضد الحراره والهـواء iiوالرطوبـه
وحمار خطه مثل سيـل iiالبراكيـن=والا حمار الشمس حـزه iiغروبـه
وكبوته أنحف من حجم بديه iiشوين=ورفارفـه متناسقـه مـع iiجنوبـه
وماطور صماماته أربع iiوعشريـن=وبخاخ مصروفـه يقنـن iiشروبـه
ومساعدات أربـع وقـدام iiياييـن=ودفرنس وفريـول يحـرك كعوبـه
وونشين سحب ويسحبن وزن طنين=وهزاز يمنع باالصحـاري iiنشوبـه
سلعـه ثمينـه للرجـال iiالثمينيـن=راع الوله يشريه لـو بـاع iiثوبـه

يا شاص جيتك نأوي اليوم أعزيـك=قرب يجيك الموت حـان ارتحالـك
من يوم شفنا لابس ألكـاب راعيـك=مدري وش اللي غير اليـوم حالـك
أبـو سبيـب كنهـا شكـة الديـك=يمشـي وكنـه مـوردك للمهالـك
إن كـان ذا حالـك فحنـا نخليـك=عقب الربـع قالـو ترانـا رجالـك
عقب الكوامري ولعبـن بالشرابيـك=واليوم فوق الشاص عقب الكدالـك
مـا بـقـا الايقلبـونـك تماتـيـك=ويبـدلـون ألمرتـبـه بالمـدالـك
مادام حطولـك جنـوط وسيراميـك=اصبر وتحمـل كـل شـي ينالـك
يا للي ركبته وش تبـي بالمهاليـك=غلطان أبوك اللي رضا وشترا لـك
الشاص ماهو لك ولا هـو باغيـك=الشاص للرجال اللي تعرف المسالك
لصار جـو البـر يمخـش اياديـك=خله يجـي قرمـن يسوقـه بدالـك
مدام طوقك مرتفـع عـن علابيـك=وأبـوك زود بالنعـومـة دلالــك
عز الله إن أبوك ما عـرف يربيـك=ولامسك نصب المساحـي بشمالـك
لمـع وضلـل صافيـات الشبابيـك=ولا يفارق الفيري مع الوقـت بالـك
الشاص مالك به أقصار خطاويـك=حـدك الدائـري وهـذا مجـالـك

يـا لله انـا طالـبـك جـيـبٍ هــوى بـالـي=لابيـن اسهـيـل ابمـشـي فــي مناكبـهـا
جـيـب سـريـع تهبـلـه لمـسـت انعـالـي=مـا هــوب ديــزل و للممـتـاز شاربـهـا
شـاصٍ ومـن لمحتـه يـا خـوك تهتالـي=يعجـبـك فــي مركـبـة وفـعـال خابـرهـا
وارد ( تايوتا ) من ( اليابان ) يحلالي=ندفـع بــه آلاف ومهـمـا كــان يطلبـهـا
تــوه ورد مــن مـغـنـه كـامــلٍ غـالــي=مـن الشارقـه جالبـه واللوحـات قالبهـا
ليا مني مشيت الخلاء بطعوس ورمالي=مـا هــوب يـغـرز ولا عـزمـه يهـودهـا
ليا شفت لي فـرق جونـي واقـعٍ سالـي=خطـرٍ ليـا دسـت لـه يـا خـوك يسبقهـا
يزرق على الفرق قبل ينهض ويجتالي=وم الـعـوايـد تجـيـبـه يـــوم اصـوبـهـا
وأبيه ليـا صـرت انـا فـي مرتـعٍ خالـي=آطــا الـوعـر فـيـه مــا يـلـزم اجنـبـهـا
واغراضـي اللـي بشيلـه لوهـن اثقالـي=ماهوب يدري عَنَهّ لـو كـان ازيـد ابهـا

مادريتو عن مزاجي ويش خشه =موتر حبه مزاجي ورغبة
شاص أبيض من هقى به مايغشه =منوة اللي شاف خله ونهبه
منـوة اللي لامشى شماغة يطشه =سايقة في كل مرقاب شعبه
ماحسب للحمل لو زادو بقــــشه =وإن لقى الناشب على الخط سحبه
لاسرى بالمطر ثم زاد رشــــــــه =مادعس له بالفرامل وكربــــــــه
شغل مساحته ثم قامت تمشه =ويتلامع بالمطر تقل ذهبـــــــــه
كل ماقدام صدامه يقــــــــشه =بالرفارف والتواير وشنبـــــــــــــه
لانزل صدره على قشع يحشه =حش منشار يحش له خشبــه
الكفر ماوقف السايق يفــــشه =وجاء لسواقه على كيف طلبــــه
لازم خشمه لاظهر حزم يدشه =وان حداك السيل بالليل اسربه

تحيااااااااااتي