على الله سقناها وهي بالرسن تنقاد=هدية وفاء ماني على السوق جالبها
قصيده يجي بين القصايد لها ميراد=على الحوض وقلوب العواريف تشربها
عن الخيب أبعد من حزاين ثمود وعاد=وعلى الطيب اللي يفعل الطيب ما أقربها
من النعم والبيضا عليها ثياب جداد=ومضمونها قول على الفعل يجذبها
تخيرتها وأشهرتها في عريب أجداد=بنى سمعه الفصام وأكمل مطالبها
وهي شهرةٍ للقرم والقرم فوق شداد=من قروم قوم عاليات مناسبها
فوارس مساعرة لهم تشهد الاشهاد=لهم غزوة مشهورة يعتزون بها
خياله صخاف الشول كسابه الامجاد=لاطار ستر الغانيه عن ذواييها
(بني زااايد اللي تنطح الضد في الميعاد=دواااسر تمكن في عداها مضاربها)
هل العرف وأهل السيف والمنسف المعتاد=وأهل جيرة ياسم عطا الجارصاحبها
لهم هيبةٍ أثقل من العارض المنقاد=تحامت على أبن مطرف يوم لاذبها
بغاه الشريف ولاحصل للشريف مراد=برزله طحاطيح تفتل شواربها
تعلوا ظهور الخيل دون الدخيل عماد=ولهم دولة الاشراف طاحت مناصبها
هذا والقصيده في عريب الجدود تعاد=من أقصى حقيقه كلمه الحق نكتبها
أبيها الى مرت على واحد حساد=يقنع بها نفس الردي لو يغضبها
وابيها الى مرت على واحد جحاد=يعرف الثنا ويرد للناس واجبها
وأبيها الى مرت على مجلس النقاد=يقولون مافيها كلام يعذربها
تخص الكريم اللي بيمناه فاد وجاد=جزيل العطايا والرزايا يقوم بها
عبدالله اليا عدوا زحول الرجال عداد=ملاذ الرجال اللي ثقال نوايبها
أقوله وكم ينصاك يالقرم من قصاد=لعل المجالس بالأمانه لغايبها
تمت وصلى الله على خاتم الأسياد=عدد ماتهل العقربيه سحايبها

المشاركة الأصلية كتبت بواسطة دغش البطي أبو فهيد لاعدمنا وجودك يالسنافي بيض الله وجهك ياذيبان علي هذه القصيده الجزله وصح الله لسان الشاعر علي بن بلال اليامي والحقيقه إنك مبدع في طرحك واختياراتك موفقه تحياتي القلبية لمقامك العالي ومجهوداتك المتواصله محب الجميع : دغــــــش الـــــبــــــــــطــــــــي

المشاركة الأصلية كتبت بواسطة فهد الغريري الغالي المبدع ابــــو فــــــهــــــــيــــــــد أنت مبدع سواء في نقل المواضيع او تنسيقها او كتابتها. واقول اسأل الله رب العرش العظيم ان يهنيك في عمرك ويبارك في ذريتك ويسر امرك ويبارك فيما تقدم لهذا الصرح العظيم وصح الله السان الشاعرعلي بن سعيد بن بلال اليامي شيخ قبيله آل محيى وعزالله قصيده جزله واختيار موفق . اخوك / فهد الغريري,,