ردي الساس يبقى ردي ساس

-------------------------------------

الله يـقـطـع خــــوةٍ مـالـهــا ســــاس
الـلـي ورى طــرد المصـالـح هـدفـهـا


غاياتـهـا يـحـكـم علـيـهـا بـالإفــلاس
ولا تشـرف مــن يـجـي مــن طرفـهـا

علـى الـردى والكـذب ترفـع وتنـداس
هـــذي حـراويـهــا وهــــذا وصفـهــا

ياناقـلـيـن الـكـبـر مـاهــو بـنـومـاس
نقـص المراجـل كبـركـم قــد كشفـهـا

المرجله عملة ذهـب مـا هـي بنحـاس
ومــا كــل رجـــلٍ لابـغـاهـا صـرفـهـا

مالي مع مجلـس هـل الـزور مجـلاس
نـويــت أجنـبـهـا وأجـنــب صـلـفـهـا

عرفـت نـاسٍ طيـرونـي مــن الـنـاس
حيـث إنهـا نقـص علـى مــن عرفـهـا

شذابـة العـرقـوب تشـذيـب الأمــواس
نــاس عـسـى ربـــي يـعـجّـل تلـفـهـا

صورة عرب واسلوبها اسلوب خساس
تـبـطـن خبايـثـهـا وتـبــدي شـرفـهـا

أخيـر منهـا فـي الخـلا سـج الأنفـاس
فـي ديـرةٍ سـيـل أمــس ذيــا جرفـهـا

مـع خـوي لـي علـى الـديـن قـرنـاس
حـــرٌ صعـيـبـات الـمـراقــي ولـفـهــا

ورفيقي الطيّب علـى العيـن والـراس
الـلــي منـاهـيـج الـوفــا مااستـلـفـهـا


وألا رديّ السـاس يبقـى ردِيْ ســاس
ولا خـيـر فــي نـفـسٍ دنـــيٍ هـدفـهـا

وألا رديّ السـاس يبقـى ردِيْ ســاس
ولا خـيـر فــي نـفـسٍ دنـــيٍ هـدفـهـا



يعطيك العافيه

مشكوره ع الابيات الروعه

السيف دايم لاهنت على مرورك الطيب

ابوزابن لاهنت على مرورك الطيب

غازي المسعري لاهنت على مرورك الطيب

الهول الودعاني لاهنت على حظورك

ابوراكان لاهنت على حظورك الطيب

الف عافيه بنت العم الغاليه الزين على مرورك العطر

غلانجدالف عافيه عزيزتي على مرورك الكريم