|
مجاراتي لقصيدة (البلاد النائي )
أبيات كتبتها مجاراة لقصيدة الشاعر المعروف/ ضيدان بن قضعان العرجاني التي كتبها على وزن وقافية قصيدة الغيهبان المري المشهورة، حيث يقول ضيدان في أحد أبياته إني لمن قومن يعز عليهم = قتل الرعاة ودمعة الحسناء علماً أن القصيدة عامية ولكن مع دخول بعض كلمات الفصحى في بعض أبياتها ، فأقول:-
يالله ياربـي عليـك رجـائـي=يامولج الإصباح في الظلمائـي يالله ياربـي تغفـر وتـرحـم=لاضيعت بعض البشر الاهوائي يالله ياربـي نسالـك لطـفـك=في يوم تنسى المرضعة الابنائي في يوم لاحولن ولا بـه قـوة=ومن شدته تنطق به الأعضائي البارح البارح طرت لي فكـرة=فكرة قصيدة عانقت الاضوائـي قصيدتـن للغيهبـان الـمـري=الطرق طرقه والقصيد إملائـي قد قالها قبلي صبـي العرجـا=ضيدان راع الـدرة العصمائـي يازين مدحه فالنشامـا ربعـه=يستاهلون المـدح والإطرائـي وأنا وشعري من فدايـا قومي =أهل الرمح والبكرة السودائـي اسيوفهم موت وحياة وهيبـة=وكم قدمت للجائعـات أشلائـي قومُ ُإذا شـحّ البخيـلُ بمالـهِ=أفقرهم بوقت القسـا معطائـي دواسـرن تميـزوا بسلومهـم=الطيب والنخوة بهـم تلقائـي من صان شعره شاع لوّه ميت=لو قايله قـد غـادر الأحيائـي ومن هان شعره ضاع لوّه باقي=مثل السراب اللي على البيدائي |
رد: مجاراتي لقصيدة (البلاد النائي )
أخوي راشد صح لسانك
ولاهنت وتسلم لنا بنانك على هذه المجاراه الطيبه كل الأحترام والتقدير.... |
رد: مجاراتي لقصيدة (البلاد النائي )
ارحب ياراشد
مبدع ومتمكن قصيده جزله وقويه جدا يالذيب تقبل التحايا |
رد: مجاراتي لقصيدة (البلاد النائي )
من صان شعره شاع لوّه ميت=لو قايله قـد غـادر الأحيائـي
راشد المسعري صح الله لسانك يامبدع والايستغرب الابداع من اهله فانت من بيت شعر فالاغرابه |
رد: مجاراتي لقصيدة (البلاد النائي )
من صان شعره شاع لوّه ميت
لو قايله قـد غـادر الأحيائـي ومن هان شعره ضاع لوّه باقي مثل السراب اللي على البيدائي هذا الكلام اللي عليه الكلام :) قصيدة جزلة من جميع النواحي معنى وطرق وقافية وقصيدة ضيدان من أروع ماكتب لكن الغريب أنها غير متداولة ومشهورة مثل باقي قصائده لكن في بعض أبياتها الفصحى نصب الفاعل ورفع المفعول به لين قال بس :) وللعلم هناك التباس في كون القصيدة الأولى للغيهبان المري وقد قرأت بحثاً حول هذا الموضوع وأن هناك ثلاث قصائد قديمة على نفس البحر والقافية تم الخلط بينها وأن قصيدة الغيهبان المشهورة بعض أبياتها له وبعضها من القصيدتين الأخريين . وأنا لي قصيدة قديمة على نفس البحر والقافية لعلي أضعها هنا متى ماسنحت الفرصة أخوي راشد المسعري : صح لسانك وشكراً لك على هذا الإبداع والإمتاع دمت بخير |
رد: مجاراتي لقصيدة (البلاد النائي )
اشهد بالله انك ابدعت
اي والله ابدعت سمعت منها ابيات منك وهنا اعانقها كامله لله درك لك تقديري واحترامي |
رد: مجاراتي لقصيدة (البلاد النائي )
أخوي راشد صح لسانك
ولاهنت وتسلم لنا بنانك على هذه المجاراه الطيبه كل الأحترام والتقدير.... |
رد: مجاراتي لقصيدة (البلاد النائي )
|
رد: مجاراتي لقصيدة (البلاد النائي )
من صان شعره شاع لوّه ميت=لو قايله قـد غـادر الأحيائـي ومن هان شعره ضاع لوّه باقي=مثل السراب اللي على البيدائي اررررررررررررررررررحب تراحيب القروم للقروم يالقرم الشاعر المبدع / راشــــد المسعري ( بو محسـن ) ابيات رغم قصرها بالنسبه لقصيدة أبا حمزه العامري او الغيهبان المري إلا انها تضاهيهما قوة وجزاله وايضا ً قريبه للحفظ تستحق أن تخط بماء الذهب ولا غير الذهب تخط به و لم اقل هذا الكلام مدحا ً وتملقا ً ولكــن شئ في خاطري أخوكـ / ابو زيـــد |
رد: مجاراتي لقصيدة (البلاد النائي )
اقتباس:
ارحب ياهادي صح بدنك وشرفني مرورك الكريم ، تقبل ودي وتقديري ،،، |
رد: مجاراتي لقصيدة (البلاد النائي )
اقتباس:
تبقى يا ماجد صح بدنك والأجزل هو مرور شاعر بحجمك ياماجد ولك مني أجمل الود والتقدير ،،، |
رد: مجاراتي لقصيدة (البلاد النائي )
وأنا وشعري من فدايا قومـي
أهل الرمح والبكرة السودائـي اسيوفهم موت وحيـاة وهيبـة وكم قدمت للجائعـات أشلائـي قومُ ُإذا شـحّ البخيـلُ بمالـهِ أفقرهم بوقت القسـا معطائـي الله الله الشاعر الكبير ابومحسن صح الله لساااانك ملايين ولايسدن على المجاراه الأكثر من رائعه والابداع امتعتنا الله يمتعك دنيا واخره قصيدة جزله وشهادتي مجروحه عقب شهادة شعراءنا الفطاحله اعلاه ابومحسن عندك الكثير والكثير من القصائد الجميلة ونحن نطمع بالمزيد والمزيد تقبل تحياتي،، |
رد: مجاراتي لقصيدة (البلاد النائي )
وأنا وشعري من فدايـا قومـي
00000000000أهل الرمح والبكرة السودائـي الله الله عليك يابو مسرع كم أنت رائع بروعة هذه الدرة صح الله لسانك وجمل الله حالك |
رد: مجاراتي لقصيدة (البلاد النائي )
ماشاءالله
قلت فأبدعة بالقول صح ألسانك وعتلى شانك يابن مسعر لاهنت وبيض الله وجهك تقبل شكري والتقدير |
رد: مجاراتي لقصيدة (البلاد النائي )
راشد المسعري صح الله لسانك يا شاعرنا الفحل على القصيدة الجزلة وعز الله انك مبدع رغم صعب القافية إلا إنك طوعتها وأبدعت فيها ولا تحرمنا جديدك يا غالي .. تقبل خالص الود والتقدير .. اخوك في الله محمد الغريري |
الساعة الآن 07:59 PM
 |
Powered by vBulletin® Copyright ©2000 - 2025, Jelsoft Enterprises Ltd.
---