::: مـنتدى قبيلـة الـدواسـر الـرسمي ::: - الناس لا منه حصل بالدهر ميل

- :: قسم الـشعر العــام :: (http://alduwaser.org/vb/forumdisplay.php?f=16)

- - الناس لا منه حصل بالدهر ميل (http://alduwaser.org/vb/showthread.php?t=28045)

الناس لا منه حصل بالدهر ميل

يالله يالمعبود ياخير مـن سيـل
ياربنـا ياللـي عظيـم جنابـه

ياللي بعثت الجند طيـر ٍ أبابيـل
للي غزا بيتـك وفيـل ٍ ركابـه

ودك إبرهه والجند بحجار سجيل
فمه سلاحه حيث ضرب الحصابه

أبرج لمن كثرت عليه الغرابيـل
أنت العليم ومـا تقـدر رضابـه

أجفف الدمعه من العين وتسيـل
وأجحد صواب القلب واللي لجابه

أنا دخيلك من ضعيف المحاصيل
روابعـه معيـه وهمـه هبابـه

يدخل علي مع ضيقات المداخيل
ويترك فجوج الطيب مادل بابـه

فيالله بنجم ٍ كنّه الجدي وسهيـل
يدل من بالليل لا أظلـم سرابـه

مني وفي مايحجبه مظلـم الليـل
لابهم سـواد الليـل زاد إلتهابـه

يبهج فوادي في الليالي المقابيـل
وأحس في صدري بشوفه رحابه

الناس لا منه حصل بالدهر ميـل
أحد ٍ يقود الجيش وأحد ٍ زهابـه

شجاع عمر الأكلبي