يا الله المطلوب يا منشي الغيوم=ورافعن سبع(ن) بلا عمدانها
يا إله العرش يا الرب الرحوم=خالقٍ ما كان من عربانها
يا سلام الله على ربع(ن) قروم=والتحية وافي(ن) ميزانها
دعوتك يا الذيب نوفيها لزوم=ما تكدرنا إبعد أوطانها
(إيه يا إبن غرير مثلك نسل قوم=من بني دوسر عزيزٍ شانها)
كنها يوم الجهل سيل معموم=يدفن الديره على جدرانها
وكنها سيفٍ ينوه من ينوم=يقطع الأرقاب من كتفانها
وين من ينطح قوي(ن) للعزوم=وين "....."(1) اللقا عدوانها
من عموم الخرج كما طيرٍ يحوم=الدواسر تحتمي حدانها
كون ضيف(ن) لا لقا الربع محشوم=لجله العليا إيزهون أجبالها
وأزرقٍ فوق الجمر ريح(ن) يدوم=وأشقر(ن) تستاهله ضيفانها
ورثنا من جدنا بين السلوم=والعرايب ماسكين إعنانها
حافظين العلم من راس العلوم=والوصايا شيخت شبانها
قالها (إبن التغلبي) قول محشوم=والفعايل عددت قيفانها