مدتن طالت ومهو ما وصل منك خبر=واعذابي طولها مدتن قضيتها
لا وصلني سايرن والتلفون أنهجر=ولا لقينا اللي نوصيه ياصل بيتها
يا حبيبي لا من بدت قلتنا وأمري ومر=مذكر أن به حاجتن لي عليك أغليتها
لا تعذر لالا وألا أقبل لك عذر=عندك أرقام التلفون ما دقيتها
قايل أني بخبرك كان نويت السفر=ويوم قلت الهرجه وليه ما تميتها
ما دريت أني بعدكم على نارن وحر=وكيف تتركها تولع وراء ما تطفيها
في الصدر يلهب لهبها وخلف له جمر=وكيف نفسك طاوعتك وفي شبيتها
قلبي اللي به صواب وعلى حبك جبر=ثم تناوشتوا معاليقه وتليتها
بس فعلك ذا ردا عقل والا ذا فخر=أن كان سلمك ذا فكل السلوم أخطيتها
أنت يالمجمول تبغي بذبحي تشتهر=تبغي أنه يقال ميدك تبين صيتها
يا حبيبي ذبحتك للبرى ما تنتظر=أبن عم ومسلم والفروض أديتها
ظني أني مثل اللي منهو ضرب غبة بحر=ليتني جنبت منها ولا طبيتها

بزهمك يلي تجرا على بيته تمر=أن كان عينتوه موجود أمانة فيتها
هو نسى في ليلة العز يومنه حضر=يآخذ علومي ومنه العلوم أخذيتها
صاحبي هرجه لنا سر وأنا أعطيه سر=لا كشف سري وأنا أسرارها مفضيتها
أتلاها عقبهم بالقلم وأكتب شعر=أن جلست أكتب ولا قمت غنيتها
ودي أنزل حولكم في بلد والا بر=والله مرغب ديرتن وأنت ما حليت بها
ليتني يا لين العود عندي لك صور=كل ما غبتوا خذيت الصور وارديتها
أتخيل صورتك كنها وصف القمر=أكما النبات لا ولعو في ليتها
والختم صلوا على المصطفى سيد البشر=وأذكر الله في البداية ولا منهيتها