سريتهم0وين يا ساري00؟ =قلي على وين ناويها
قلت التعب مل واسفاري =من شامها لي يمانيها
بعطيك موجز عن أخباري= وكل التفاصيل بمحيها
قال البحر دوم غداري = قلت السفن في مرافيها
الأرض ارض الله وداري = يوم السلاطين تحميها
من دق مسمار بجداري = والله لا دِكّ عاليها
مابوق عهدي ولا جاري = لوكنت انا الذيب راعيها
السيف اصدق من اشعاري= تنبيك عنها قوافيها
ماهمني يقبل اعذاري = يهمني انت قا ريها
واللي اهم وينه الشاري = من باع روحه لغاليها
في المحكمه ابصم إجباري = قاضي (توها) هو محاميها
أدري ولا ادري وانا داري = وادري بعد مانت داريها
بشويش بشويش واداري= مافقش البيض واطيها
من تحتي النار واخطاري = ومن فوقي الغار يدميها
تعبت مليت الابحاري = مغرد السرب حاديها
إن شالها يطرب مشاري =وان شبها من يطفيها
وان باعها ماحدٍ شاري = وان سامها الكل يبغيها
وان قالها بيّح اسراري = وان كنّها ضاق حانيها
الصمت من صمته احتاري = لامن حكا اخرص دوانيها
ماحدٍ تهقوا بأسواري = ماعاش من هو مهقويها
النجم والغيم مشواري= ماظن الاقزام يمديها
الليل توّ ه وسمّاري = باقي تزغرد لياليها
سريتهم0 وين يا ساري00؟ = باقي بزارين مابيها

صح لسانك يابو فراج وأعتلا شانك




ولاهنت ولاهان منطوقك..




ودمت بألف خير....

مـــن دق مـسـمـار بـجــداري=والله لا دِكّ عــــالــــيـــــهـــــا
مـابـوق عـهـدي ولا جـــاري=لوكـنـت انــا الـذيـب راعيـهـا