سلطان يوم انك تعرف المواجيب=صدري من الفرقا تهشم ضلوعه
لايخدعك قولي مع الناس تكذيب=أرهم الموضوع واخفي رموعه
من خوف بكرة ذا يودي وذا يجيب=ناسآ على هرج المقفي هلوعة
دايم سعادتهم بشذب العراقيب=ايوقعون اللي صعيبآ وقوعه
وليا انشدوني قلتنا مابها ريب=اخفي تعب قلبي واضمد وجوعه
اقول طيب بس يامبعد الطيب=قلبي صواديف الليالي تلوعه
صبرت مير العلم ماعنه تجنيب=وتعبت من غرسآ تيبس فروعه
سبت غزالآ عذب الحال تعذيب=فريد من شكله ولا شفت نوعه
مكمله ربه جزيل التواهيب=كنه قمر خمست عشر في طلوعه
له مبسمآ فيه الثمان المعاذيب=سوات براقآ تلاعج شموعه
عصير توتآ من عذيب المشاريب=يروى به الضميان ويسد جوعه
وعينآ اشقر طلعه علو المراقيب=اسيوف شيخآ فالملاقا بتوعة
وله لبة فيها العجب والتعاجيب=تفاح شامي محسنين زروعه
وليلآ تناثر ينثر المسك والطيب=يسبي الضمير اليا تزايد نشوعه
عطاه ربه من جميل الاساليب=فيه التغلي والدلع والميوعة
وعرضه نزيه ولا مشا سكة العيب=وزود على زينه بدايع طبوعه
يعني مرتبه الولي خير ترتيب=او مثل ماقالو هل الحب روعة
وعصر الأحد مقفي مع راعي الجيب=مافاد حالي لو تزارق دموعه
وامسيت يقنب دونهم عاوي الذيب=والكبد فيها من لظا البعد لوعة
اقفو به العربان غصبآ بلا طيب=وكتب لنجعي مايباري نجوعه
لاشك ماقفو به بضرب المحاديب=ما اخبر ربعي فالشدايد جزوعه
امطوعين معقدات الاصاعيب=عدونا يوم المقابل تروعه
مساعرة هيبة عطاب المضاريب=ياسعد منهم لستهاجت ربوعه
لكن به سلم العرب والاجانيب=ونفسي من سلوم القبايل قنوعة
ارسلت لكن من يرد المكاتيب=اروح المرسال وارقب رجوعه
ياكثر ماروحتنا من مناديب=لكن مابه من وراها نفوعه
وادميت جرحآ ماتفيده الاطابيب=ولا فادني قلبآ تهاوت دروعه
ماغير اهوجس واحسب الوقت تحسيب=اذكر شهر فرقاه وانعي سبوعه
لامر ذكره قمت اثني التراحيب=وان غاب ضيعت الخميس وربوعه
ماهو صحيح ان كل من يجهد مصيب=كم واحدآ مجهد ونفسه قطوعة
يسهر على مطلب عسير المطاليب=امقضيآ ليله على راس كوعه
ولاشاف غير سهوم وقتآ معاطيب=الحزن كيفه والهواجس قدوعه
وكم واحد رتب له الوقت ترتيب=لوكان نفسه من ظلاله فزوعة
لابارك الله في قريب المحاظيب=لوصار وقته تحت شوره وطوعه
العز ماهو في طوال الاشانيب=العز رجلآ مايضيع سنوعه
واللي استفدته من صعاب التجاريب=بيت خذا بين النوادر منوعة
(الحب بلوى والمراجل تواهيب)=(والذيب مايمسي قبل سد جوعه)
لكن يبقن البني الرعابي=هي سم خفاقآ تهاوت ضلوعه

تسلم يمينك علي النقل الطيب .....وصح لسان شاعرها

ملاحظه :

البيت ((الـعــز مـاهــو فـــي طـــوال الاشـانــي)) حرف الباء ناقص