يامشاعل موتك من البرد يمكـن فيــه خِيره=طالما من الفــقـر مِـتـي قبـل موت البرد .. جوع
في زمان البـذخ الاعمى والمزاين والعشيره=والغـلا .. والنفــط سعـره من طـلوعٍ في طلـوع
مابقى لك في ربوع وخارطة شبـه الجزيره=غيـر قبـرٍ .. يتّـســع لك يــوم عــافـتــك الربـوع
نعمه .. انّ قبــورنا مجّـان .. والتربه وفيره=ولاّ كــان امْــداك جثــه هـامــده مــدّة اسبــوع
مـن "15 شتـاء".. وعيشتـك عيشـه مريره=مدري جلدك نوع؟ واحْنا جلودنا من غير نوع
الحراره صفر واحْْنـا صفر واصفارك كبيره=وكل صفرٍ منك فــاق اصفــارنا قــدْر وطبـوع
يامشاعل.. برد عرعر مادرى عن زمهريره=مــن ينـام الليـل بفـراشــه عـلى ضـيّ الشمـوع
تحت سقف الغرفه ودفـايته جـانب سريره=وانتي سقفـك "صندقـه" وشْمـوعـك آلـت للميـوع
إنطفيتي وانطفت أحلامك العـذرا الصغيره=لكــن اشعلتي بمــوتك نـار .. واذرفــْـتي دمـوع
صكْـصكـَة أسنانك من البرد في الليله الأخيره=غيــر موتك .. ما لقت لصـراخ صكــتها سمـوع
كنّـك الاّ تحتـرين الشمس في عــزّ الظهيـره=لجل يُصهر من جسدْك الثلج .. ويخفّ الصقــوع
ليت بامكـاني اسـوّي شي واعـذاري كثيره=لكــن الشكـوى على الله .. ما لتوديـعك رجـوع
ذنبك إنّـك من نتـَاج الفقـر والحال الكسيره=وعذري اني شخص يسكت خوف ويجيد الركوع
لا غدى الكــرتون بطّانيّـة الناس الفقيـــره=مــوتي مـوتـة عــزّ راسٍ غيـر قـابـل للخضوع
طالما تقصرعيـون الناس والأيدي بصيره=والله ان البـرد .. برد احســاس لا برد الضلـوع

المشاركة الأصلية كتبت بواسطة فهدالمحيسن (المشاركة 295978) قصيدة جميله بارك الله فيك

المشاركة الأصلية كتبت بواسطة فرحان فهد ال فرحان (المشاركة 295989) الحقيقه قصيده محزنه للغايه صور فيها الشاعر واقعنا وواقع الطفله مشاعل لاهنت يامهره

المشاركة الأصلية كتبت بواسطة رائــــــــــد (المشاركة 296230) الله يرحمها وجميع اموات المسلمين تقبل تحياتي