بسم الكريم العزيز القادر الوالي=اللى جمع أمته تمشي بتدبيره
قطفت ما طاب لي من زين الامثالي=في منهلٍ غالطت ورده مصاديره
في حفلةٍ للجميع أحلى من الحالي=يحتار راعي النظر فيها بتفكيره
دقت أطبول السعادة وانشرح بالي=واللى ورى السجن وصلتنا تباشيره
سلام ياللى لك القالات تنقالي=ياللى على الراية العليا لعب طيره
عبد العزيز ابن تركي ماض الافعالي=اللى تسولف بسيراته مساييره
حلال فتال في يوم التمشكالى=أبلج وجه منهجه يصعب على غيره
يا أمير لك سنام المجد منزالي=ياكاسب الجود لا عجزوا مداويره
عليك منا عدد ما هل همالي=سلام أحلى من السكر بتخديره
خوالك اللى تتيه سرج لجهالي=جوساً تسج الخطر غصباً بلا جيره
تلقالها مع غزال الريم مدهالي=نبت الطرف دايماً تقطف مخاضيره
مضهورهم في هواء زينات لسبالي=عن منزل الخوف ما تردع مظاهيره
كسابت المدح في زوغات لذهالي= لا جا نهارٍ سبق شره على خيره
البيض تبنى لهم في رؤس لقذالي=من ماضي الوقت لا ما قيل تاخيره
واليوم في الوضع مطلاعٍ ومحوالي=يصعب على اللى يبي طرقة مشاويره
يوم أنتخى في الجميع بصوته العالي=صاحت ندا صوتها تضرب مزاميره
صاح ابن عواد في حماية التالي=وكل ابلجٍ جاك ماحسب مخاسيره
خطلان الايدي تبيع وترخص الغالي=شرايت الحكم لا غليت مساعيره
بواتعٍ يرخصون الحال والمالي=للي وراء الباب مغلقةٍ مساميره
فعلٍ يسولف به الاول على التالي=الوضع يثر على أهل العرف تاثيره
دواسرٍ تاسم المشعاب للجالي=وترعى رعاياه من دارٍ الى ديره
تفرح بنا لا تكبر نبت لسهالي=سولٍ من الخوف ما تردع مقاهيره
وتفرح بنا لعتلينا كل مشوالي=لا من عج الرمك ثارت معاصيره
قاموا مقامٍ ينومس كل رجالي=يلسعد منهم على الدنيا له ذخيره
واستبشرت للجميع بكل الاحوالي=وتيسر الامر بامر الله وتيسيره

خطلان الايدي تبيع وترخص الغالي=شرايت الحكم لا غليـت مساعيـره
بواتعٍ يرخصـون الحـال والمالـي=للي وراء الباب مغلقـةٍ مساميـره
فعلٍ يسولف به الاول علـى التالـي=الوضع يثر على أهل العرف تاثيـره
دواسـرٍ تاسـم المشعـاب للجالـي=وترعى رعاياه من دارٍ الـى ديـره
تفرح بنا لا تكبـر نبـت لسهالـي=سولٍ من الخوف ما تردع مقاهيـره
وتفرح بنا لعتلينـا كـل مشوالـي=لا من عج الرمك ثـارت معاصيـره
قاموا مقامٍ ينومـس كـل رجالـي=يلسعد منهم على الدنيا لـه ذخيـره