نقلت لكم مما أعجبني للشاعر حامد زيد


غرام أحباب

على ذاك الطريق اللي يسمونه غرام احباب
وطت رجلي على دربه ولا ادري وش نوى فيني
تبعته لاخر ادروبه الين ان القمر قد غاب
تعب قلبي ولا تعبت مسافات(ن) توديني
لقيت الليله الجردى هدب وظل وسما وعشاب
بعد ذاك الظلام اللي يتوهني عناويني
صدفتك معجبه فيني وياليت الغرام اعجاب
وتراك انتي الهنوف اللي هقيتك تستحقيني
عطيتك عشق من قلبي وسلمت الغلاك ارقاب
وغيرك يحترق قلبه ولا يقدر يحاكيني
انا قبلك صدفت عيون ولكن ويش جاب الجاب
تري كل العيون اللي لقتني ما تكفيني
رماني حظي العاثر عليك وجيتلك طلاب
ولنتي اللي عشقتيني ولا انتي اللي عتقتيني
تعالي ورحمي ذاك الخفوق المولع المرتاب
مهوب لاجلي عشان الله يجازيك وجازيني
تعدي في سما عشقي ولو عشقي خراب اصحاب
وصوني في الهوى نفسك قبل لانتي تصونيني
وشيايني على متنك خفوق(ن)بارين منصاب
ومن فوق الغرام العذب شيايني وحطيني
ولا منك هقيتيني شجاع وما يطيق يهاب
انا لك بالهوى الله مثل ما انتي هقيتيني
انا ممشي ورى غيرك لو انه يطق الباب
وتري عيب على اطعن ولو كثرت سكاكيني
زهود ما يطيق الدم لا داين ولا طلاب
شجاع وعارف(ن) نفسي وأظنك تعرفيني
غيور ما عرفت اضحك مع الغدر برود اعصاب
ابيع عيوني الثنتين قبل لا انك تخونيني
واذا اشتد الغرام اترك خفوقي بين ناب وناب
فرق تكسر ظلوعي ولاعشق يوطيني
انا رجل ولي غيره واذ شفت الهوى كذاب
تثور بقلبي الفزعه ولا تهدى شياطيني
سؤالك لو يزعزبي كياني ما قبلت عتاب
اجيلك واسئلك نفس السؤال اللي سئلتيني
عن العشق القديم ابواب و تقفيها كثير ابواب
بعد ذاك الحبيب اللي خدعني وانخدع فيني
ابي عشق اتحسبله كل نظرات العيون احساب
وابي قلب على قلبي وابي دينن على ديني
وابي كلمة عهد توفي ولا تخلف بدون اسباب
وابي منك قبل لانتي تصديني توديني
وابي درب(ن) على العذال صعب ومتعب وغلاب
وابي نفس الطريق الصعب يبعدهم ويدنيني
ترى لو للقلوب عيون ولدموع العيون اهداب
حشى ماتنزل الدمعه لغيرك لو تركتيني
انا اول من عرف قدرك وانا توي صغير وشاب
وابي منك مدامك عرفتيني تحبيني
مدامني لقيتك في طريق اسمه غرام أحباب
دخيل الله وبعد الله دخيلك لاتخليني
مادام ان كل من يحيا على وجه التراب تراب
عسى تنساني الدنيا مدام انتي ذكرتيني

غلا نجدارحبي يالغلا والف شكرعلى مرورك لاهنتي

المهلب لاهنت على مرورك الكريم