الله الله لاتذكـرت والدنـيـا تــدور=أطـوي اوراق السجـلات ولا افلهـا
بينت لي بعض الايام ماتخفي الصدور=كل صعبه بعد ماصار عنـدي حلهـا
كنت اظن الشك زايل ولاحوله قصور=كنت اظن الطيب عاده وهـو قدلهـا
الله الله طابت النفس والصحبه تبـور=عقب الي لا قسى الوقت نفسـه ذلهـا
الفهد في غابة الليث ماينخى النمـور=لا لقى الصيده بمخـلاب كفـه شلهـا
التجارب خير عبره وتفكير وشعـور=والمجرب كل ماشاف غلطـه زلهـا
ابتلينـا وابتلشنـا بحفـار القـبـور=ضيع دروب المراجل والاخرى دلهـا
اتحمل واتغاضى مـع ذلـك صبـور=والضماير هاجس الضيـق زاد وتلهـا
والبنادق في خباها ليا قامـت تثـور=ماتجمل من ذكرهـا ولا مـن شلهـا
لاتجي تبغى تعذر مسامـح ومعـذور=بس ( فارقني ) عسى الكبد يبرد غلها
والله ان البعد مكسب ومعرفته دبـور=يوم شفته تو وجهـي سيوفـه سلهـا
الهقاوي فالمناعير وطـوال الشبـور=الرجال الـي علـوم الوفـا طبعلهـا
والمواقف والجمايل على مر العصور=مالها الا الحر الاشقر وهـو كفولهـا
وخوة الجاهل والانذال ساعات وشهور=والكفو يسلم مـن اللـوم يـوم يملهـا

والمواقف والجمايل على مر العصور=مالها الا الحر الاشقر وهو كفولها
وخوة الجاهل والانذال ساعات وشهور=والكفو يسلم من اللوم يوم يملها

المشاركة الأصلية كتبت بواسطة دوسري مطنوخ (المشاركة 283040) والمواقف والجمايل على مر العصور=مالها الا الحر الاشقر وهو كفولها وخوة الجاهل والانذال ساعات وشهور=والكفو يسلم من اللوم يوم يملها مساك الله بمثله صح لسانك يا الزيـــــــــــــــن ..... ولسان الشاعر تسلم يمناك وبيض الله وجهك على النقل المميز ولاتحرمينا من ابداعاتك مطنــــــــــــــــــوخ

المشاركة الأصلية كتبت بواسطة الشقرديه (المشاركة 283072) والمواقف والجمايل على مر العصور ***مالها الا الحر الاشقر وهو كفولها وخوة الجاهل والانذال ساعات وشهور ***والكفو يسلم من اللوم يوم يملها صح لسان شاعرها قصيده رائعه وسلمت يداك على نقلك الجميل والرائع فالك الابداع والتميزيالزين لاهنتي يالغاليه الشقرديه

المشاركة الأصلية كتبت بواسطة فيصل بن جزاء (المشاركة 283494) تسلم يمناك يالزين وصح لسان الشاعر وبيض الله وجهك والله يعطيك العافيه ولاتحرمينا من جديدك وابداعاتك يابنت العم خالص التقدير والاحترام