::: مـنتدى قبيلـة الـدواسـر الـرسمي ::: - رد ناصر بن دهيم على الضمني بالمدح

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - رد ناصر بن دهيم على الضمني بالمدح (http://alduwaser.org/vb/showthread.php?t=24452)

رد ناصر بن دهيم على الضمني بالمدح

قال مفرح الضمني:

ودك الى راجعت مركز حكومـه تلقى مديره بالعمل كنه( بـداح)
(ابن دهيم) اللي تنومس علومـه تجيه ضايق بال وتروح مرتـاح
طيّب ونفسه للمراجـع رحومـه بالطيب علّق له نياشين واوشاح
واليا لبس تاج الشرف مع نجومه تفتح لك الابواب من غير مفتاح
من لابةٍ عند الرجال امحشومـه (اولاد زايد) مهدية غال الارواح
لاجا نهارٍ فيـه بيعـه وسومـه تعرف مواقفهم الا صاح صيـاح
اقولها والطيب تعـرف سلومـه على النقا ما هي هرابيد مـزاح

وقد رد على الضمني الشاعر:ناصر بن محمد دهيم الغييثي الدوسري أخو المقدم بداح

يامرحبا باللـي يشـرف قدومـه مفرح الضمني له انزف الافـراح
من لامني فـي حبـه الله يلومـه الشاعر اللي كنـه البـرق لا لاح
كن القوافي في يديـه امحكومـه عزيز نفـس وللنواميـس مـداح
يامـادح كحيـلان هـذا لزومـه في خدمة اللي مثل شرواك ماشاح
لجل الوطن يبذل وتقوى عزومـه كسب النعم تسوى ملايين الارباح
الطيب بين اهل الوفا الله يدومـه ومثلك يابو فيصل به الطيب ماراح
امعرب الجـدان وامطيـر قومـه خيالهم يقبل على المـوت نطّـاح
يوم الزمن قاسي وزادت سمومـه افعالهم تشهد لها علـط الارمـاح
من حط حمران النواظر خصومـه ماله مع اهل العز قيمه الى طـاح
كل الشكر للـي يشـرف قدومـه مفرح الضمني له انزف الافـراح

وسلامتكم،،،
وش رايكم بهذه القصيده؟؟!!