يسعد صباح اللي له الورد يلتاع=ويسعد مساه ويسعده كل ساعه
ويسعد قبالً شوفته لحظة امتاع=لعينا شفوق ضاميً له وجاعه
ويسعد وساعً رمشها لم هجاع=لاواهني اللي تشوفه وساعه
سودً مشابيكً كسالى ويرتاع=قلب المشقى لانظرها سراعه
ويسعد جبينً فيه برق وتشعشاع=شعَام ضوي من سناه وشعاعه
من شوفته جوارحي نصفها شباع=والنصف الآخر من غرامه اشباعه
يوم اتحلى مبسمه فيه نعناع=والسكر اللي في شفايفه ماعه
شفايفه بالشهد غرَق ودلَاع=شهد جنا راعيه مايوم باعه
وياحالي المنطوق يكفيني اوجاع=القلب ازرى والتوجاد لاعه
باسباب جرح ساطيً بي وبتاع=خلى معاليق الضماير قطاعه
سيوف ضيمه في حناياي رتَاع=تنهش حشا" متهشمات" اضلاعه
ولو ما أحبك حيل ماضاقت اضلاع=على خفوق" في هواك اندفاعه

وسلامتكم..






عبدالله

المشاركة الأصلية كتبت بواسطة dossary _usa (المشاركة 277011) صح لسانك على القصيده الحلوه,,,,, وبدايه مميزه تحياتي وتقديري

المشاركة الأصلية كتبت بواسطة فارس الكلمه (المشاركة 277270) بيض الله وجهك على القصيده ننتظر جديدك يالغالي تقبل مروري ولك مني خالص التقدير والاحترام اخوك/فارس الكلمه

المشاركة الأصلية كتبت بواسطة بوحمد الحمد (المشاركة 280144) عبدالله صح الله السانك والله لايهينك على الكلمات الرائعه وان شاء الله ماتحرمنا من اي جديد دمت بكل خير تقبل مروري