البارحـه فنتظـارك واحسبنـك عـجـل=واثرك تلـذذ بتعذيبـي وانـا مستميـت
يعني تغـلا علـي والا غـرور وجهـل=والا مثـل كـل مـره ياحبيبـي نسيـت
تخطي علي واتحمل منـك مابغـى الزلـل=ولاقلت لك لاتمادى قلـت لـي مادريـت
من قبل اعرفك وانا فيني مـواري عقـل=والحين مالي رفيق الا السهـر والبكيـت
سرقتنـي واعرفـك ماتسـرق الا جمـل=وسرقتك هاذي خبر عاجل وله مانشيـت
لبـى تغليـك يالغالـي ولبـى الخـجـل=انا اشهد اني معك ياغايتي رحـت تيـت
لبيه ياوجهك السمـح البشـوش القبـل=في مثل حسنك فـلا سمعـت ولا رأيـت
سبحان ربٍ عطـاك الزيـن عـز وجـل=في سوق يامرحبا بالزين بعـت وشريـت
حبـك بقلبـي مبنـي لـه بيـوت وفلـل=وان كان مانته مصدق عدها بيـت بيـت
وصلت لقصاي من حبـك وقدنـي ثمـل=رويت حتى الثمالـه منـك ولا ارتويـت
يالمشتري شوف حبك فـي حنايـا زحـل=رضيت يالمشتـري والا بعـد مارضيـت
ياويش جاب الزعل ياويش جاب الزعـل=تعـال واعلمـك بالسالفـه كيـت كيـت
ان جيت راعي محل وان غبت راعي محل=يعني محلـك محلـك غبـت والا لفيـت
اسمع تـرى خيـر ماقـد قيـل قـل ودل=وان جيتني كمبليـت استقبلـك كمبليـت
انا أعترف مااحب اقـول شعـر الغـزل=لكـن غنيـت بيـت وجاتنـي بيتبـيـت