يا الله يا عالم خفيّ السريره=الواحد المعبود علاّم الاسرار
افرج لمن قلبه تزايد سعيره=متحيرٍ بين الهواجيس و افكار
و اللي مهيّضني بيوت كثيره=باللعب يذكر ناهض صار بيطار
يا القرم يا ناطح وجيه المغيره=يا مكرم الضيفان لا جوك خطار
لا من بغينا الشعر ما نستعيره= نفهم طواريقه طويلات و قصار
قصيد قبل العام باعطيك غيره= في لازمك يا القرم ما نيب محتار
يا راكب اللي لا مشى كن زفيره=زفير صاروخٍ مع الجوّ لا طار
من وارد السته يشوقك مسيره=من منوة السواق لا وقف القار
هو سايقه هو مهندسه هو مديره=لا من ضواه الليل ولّع به انوار
نصّه اربوعٍ يحتمون العشيره=لاد الحبيبي هم اهل المدح و الكار
هم درعنا وقت العلوم الكبيره=و حنا كعام الشّْره لا شبّت النار
وصّل سلامي للوجيه السفيره= مني سلامٍ لمّْ شيبان و صغار
سلامٍ احلى من حليبٍ بشيره=حليب صفرٍ يقطفن نور الازهار
لا جيت تلقاهم حوالى الحفيره= مدهالهم حول الدراثيم و يسار