البيرق اللي على قمة جبل طارق=عارٍ حنى الهامه اللي طال عاتقها
جيت أسأله يوم شفته بالحزن غارق=وأقول شف حابس العبرات مطلقها
ياورثنا اللي من المسروق للسارق=يا أغلى المراقيب لو ماكنت شاهقها
ما بين مغرب رضاك وغيظك الشارق=ذكرتني حصة التاريخ ما أصدقها
ماكنّك اللي مرق من جانبك مارق=للوادي اللي فلول الذل فرقها
من طيب حظك ومن تفكيره الخارق=ساق المناوي وقال الله يحققها
ما تذكره يوم مر الماء كما الزارق=لميت جنده ولم السفن وأحرقها
ما تذكر الخطبة اللي سرت البارق=والخيل والريح والعزه و بيرقها
ما تذكر الغاده اللي غصنها وارق=من سربه الحق ترجي ثار خافقها
ما تذكر الفرقتين وشاسع الفارق=والسبع الأيام ما تذكر دقايقها
الموت مثل الحياه أطماع ومزارق=والأندلس تنتظر ميعاد عاشقها
بوابةٍ قبل ما تنشد من الطارق=هبايب المسك ساقت ريح طارقها
لين ارجهنت وغنّا شوقها الحارق=من أول أبراجها لآخر حدايقها
ياأغلى المراقيب .. أنا رحال ومفارق=والكلمة اللي تزيد الهم أبنطقها
طارق وروح .. تصبر يا جبل طارق=لو رزت القوم في راسك بيارقها

المشاركة الأصلية كتبت بواسطة الشقرديه (المشاركة 262908) الف عافيه ابوزيدالغييثي صح لسان الشاعرناصرالقحطاني وتسلم يمناك لاختيارك الطيب قصيده قويه ورائعه لاااااهنت الشقرديه

المشاركة الأصلية كتبت بواسطة فيصل بن جزاء (المشاركة 262937) لاهنت ياابوزيد على الاختيار المميز وصح لسان القحطاني

المشاركة الأصلية كتبت بواسطة راشد المسعري (المشاركة 263142) صح السانك يابو زيد ويعطيك العافية على نقل قصيدة " شاعر الأندلس " ناصر القحطاني وسجلني متابع ومعجب بما تنقله لنا من قصائد قيمة ولها وقعها على نفس المتذوق. وبالنسبة يابو زيد للشطر ا للي يقول ( يامجدنا اللي من المسروق للسارق ) ماشوفه في القصيدة !!!! إلا إذا كان في قصيدة مشابهه !!! ولك مني أجمل الود والتقدير ،،،

المشاركة الأصلية كتبت بواسطة ابو زابن المسعري (المشاركة 263292) بيض الله وجهك يابو زيد على نقل هذه الابيات الجزله لشاعر ناصر القحطاني

المشاركة الأصلية كتبت بواسطة بوحمد الحمد (المشاركة 263312) الموت مثل الحياه أطمـاع ومـزارق والأندلس تنتظـر ميعـاد عاشقهـا بوابةٍ قبل ما تنشـد مـن الطـارق هبايب المسك ساقت ريـح طارقهـا لين ارجهنت وغنّا شوقهـا الحـارق من أول أبراجهـا لآخـر حدايقهـا ياأغلى المراقيب .. أنا رحال ومفارق والكلمة اللي تزيـد الهـم أبنطقهـا طارق وروح .. تصبر يا جبل طارق لو رزت القوم في راسـك بيارقهـا ابو زيد لاهنت ياغالي على النقل الرائع وصح السان الشاعر ناصر والى الامام دمت بكل خير تقبل مروري

المشاركة الأصلية كتبت بواسطة الزين (المشاركة 263572) تسلم يمينك يابن غياث علي النقل الرائع وبيض لله وجهك وصــــــــــــح لســــــــــــان شاعرهـــــــــا

المشاركة الأصلية كتبت بواسطة محمد ال مطيلق (المشاركة 263852) الف عافيه ابوزيدالغييثي صح لسان الشاعرناصرالقحطاني وتسلم يمناك لاختيارك الطيب قصيده قويه ورائعه لاااااهنت