يا منير هذي أمّك و هذي أمّي=تجمّعن في مقبره في إبقيق
دايم و هي تخمّ و تلمّي=مرٍّ توسّع و مرّْ تضيق
هذا القضاء يا ولد عمّي=يا من يردّه إلا من سِيق
دمعٍ دفقته ملأ كُمّي=و يغيب فكري معك و يفيق
يالله يا مجري الدّمي=يا خالقٍ خلْقه بتنسيق
يا مسمع البكم و الصمّي=و موثّق أعمالنا توثيق
يا جعل قبرٍ لهن ضمّي=غُرّ السّحايب عليه تْويق
و العشب من فوقه يزمّي=و للنّور يِفْتح لهنْ طريق
اللّي صْحاحٍ من النمّي=و هروجهن لا هرِجن رِحيق
شوفتهن تفرّج الهمّي=و يحبّن الجمْع لا التّفريق
صلاة ربّي على الأمّي=نبيّنا مخاوي الصّدّيق
اللي فرض جِزية الذّمي=شفيعنا عنْد نشْفِ الرّيق

اللّـي صْحـاحٍ مـن النمّـي= و هروجهن لا هرِجن رِحيق
شوفتهـن تفـرّج الهـمّـي= و يحبّن الجمْـع لا التّفريـق

المشاركة الأصلية كتبت بواسطة Oآمـ نآيفـO (المشاركة 259811) اللهـ يرحمهنــ ويغفر لهنــ ولكل المسلمينــ... آخويــ/ عبدالله... مهما كتبنــآ فالوآلدينــ مانوفيهمــ.. / آبدعتــ ياخويــ... عباراتكــ حزينهــ... اثرتــ فينيــ... / صح لسانكــ... ولاعدمنىآكــ... ..آرقــ التحــآيــآ...