::: مـنتدى قبيلـة الـدواسـر الـرسمي ::: - الدواسر مزبنة الدخيل وسامة العصا

- :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)

- - الدواسر مزبنة الدخيل وسامة العصا (http://alduwaser.org/vb/showthread.php?t=22462)

الدواسر مزبنة الدخيل وسامة العصا

هذه القصيدة مهداه من الشاعر/ محسن بن فالح الشكرة الدوسري نقلها لنا الشاعر / محمد بن باني المخاريم الدوسري رداً على بعض الإدعاءات المغرضة والتي تدّعي أن الدواسر لايحمون أو يزبنون الدخيل وما أثير على الساحة في الآونة الأخيرة أن وسم العصا ليس للدواسر فأترككم مع القصيدة :-

السؤال اللي عرضلي ونا عابر سبيل = أسـمــحولي لين اكـمـل جوابي للسؤال
السؤال يـدور حول الدواسر والدخيل=واليــقــين المعتبر يقطع سلوك الجدال
أحـمـد الله واشـكـره كـل فعل له دليل = والدواسر فالـجــزيــرة مثل صم الجبال
بالشجاعة والشراسة وبالدم الاصيل = والعــروبـــية لــهـا فالعرب سلك جلال
والدخيل يـمـدله سلـمـنا حـبـل طويل = لاوســمــنا عـصــاه انجــلا همه وزال
يهتني بين الدواسر هل الروز الثقيل=إن تـــوجـه للــجنوب أو توجه للشمال
ماخــذ حـريـته فـالـنزول وفـالرحـيل=وســـمـنا يحــما جــنابه وهيبتنا ضلال
مانـحـط في ذرى البـيت مهموم ذليل = ولانـــحـســب مـــدته كل ماهـل الهلال
مانـشيـلـه مـن كـفـيل ونـرميه لكفيل = نعـتبــرها جــــيـرة لاحــــرام ولاحــلال
من زبـنـا يـهـتني بالمـبات وبالـمقيل = نمنه ونقول له عان قــسمــك فالحــلال
والثلاث اللي تهرب فصيل من فصيل = مالـــهــا بســــلــومنا لانــهــار ولالــيال
سلمـنا عـن ذا الـثلاث يحـدانا للـبديل = الرديـني والـجنـابي ومصــقـول السلال
وانت لو تنشد شريف على قبرة نثيل = علــمــك وشــلـون قـلنا وهو وشلون قال
اعـترضـنا له بـجـمع مـع جـمعه قليل = من شروق الشمس لين ادبحت يم الزوال
لـيـن خـلينا الجنايز مثل جضع النخيل =والـشـريف مـعـركز بـيـن جال وبين جال
هـل عـرفت الأن منهـم مـزبنة الدخيل *=الــدواســر كـامـــلــيـن ولــلـه الـكـمــال

* ملاحظه الأخطاء الإملائية في القصيدة مقصودة من أجل الوزن وأن يستقيم معنى القصيدة تعلمنا من العميمي